Auyl äkımderın sailau jaŋa mümkındıkterge jol aşady. Iаǧni jergılıktı halyq äkımdı sailap qana qoimai, senım bıldıredı. Al sailanǧan äkım auyldyŋ barlyq qajettılıgın, mäselesın şeşedı dep oilaimyn.
Biyl Täuelsızdık alǧaly 30 jyl ışınde auyl äkımderınıŋ sailauy alǧaş ret ötıp jatyr. Öte maŋyzdy qadamnyŋ bırı. Būl – elımız üşın tarihi sät.
Qasym-Jomart Kemelūly aitqandai, ärbır memlekettık qyzmetker eldıŋ azamaty retındı halyqty tyŋdai bıluı kerek. Auyl äkımderınıŋ partiia arqyly sailanyp jatqanyn bız tüsınemız. Soǧan sai sailanǧan äkımderdıŋ qūzyrettılıgı de joǧary boluy maŋyzdy. Biudjetpen dūrys jūmys ıstei bıluı, halyqpen tıkelei qarym-qatynasta boluy jäne auyldyŋ güldenuıne ülken jūmys ısteuı qajet.
Qazır sailanǧan äkımder auyldy 4 jyl basqarady. Olar osy uaqyt ışınde özderınıŋ sailaualdy baǧdarlamasyn ıske asyryp, tıkelei halyqqa jauap beretın bolady.
Aigül DEMEUOVA,
QR Prezident janyndaǧy memlekettık basqaru akademiiasy
Maŋǧystau oblysy boiynşa filial direktory,
filosofiia ǧylymdarynyŋ doktory, professor.
mangystaumedia.kz saitynan alyndy.
Ūqsas jaŋalyqtar
