Aqtóbe oblysynda saılaýshylardyń 69,7 paıyzy daýys berdi

2654
Adyrna.kz Telegram

Aqtóbe oblysynda aýyl ákimderin saılaý  34 aýyldyq okrýgte jáne Aqqudyq aýylynda ótkizilýde. Daýys berý atalǵan okrýgterdegi 74 saılaý ýchaskesinde ótip jatyr. 25 shildedegi jergilikti saǵat 17.00-degi jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 69,77 %-y alǵan dep habarlaıdy "Adyrna" ulttyq portalynyń tilshisi.

Saılaý komıssııalarynyń usynǵan derekterine sáıkes, 2021 jylǵy 25 shildedegi saǵat 17.00-degi jaǵdaı boıynsha kórsetkishter mynadaı: Áıteke bı - 68,09 %, Alǵa - 78,22 %, Baıǵanın - 66,46 %, Yrǵyz - 66,77 %, Qarǵaly - 84,27 %, Mártók - 77,67 %, Muǵaljar - 74,02 %, Temir - 50,64 %, Oıyl - 88,99 %, Qobda - 77,06 %, Hromtaý - 72,88 %, Shalqar - 79,13 %.

Sonymen 25 shildedegi saǵat 17.00-degi jaǵdaı boıynsha aýdandar arasynda belsendilik jaǵynan Oıyl aýdany kósh bastap tur.

— Aýmaqtyq saılaý komıssııalarynyń usynǵan derekterine sáıkes 2021 jylǵy 25 shildedegi saǵat 17.30-daǵy jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 69,77 paıyzy aldy. Iaǵnı 22 337 adam saılaýda daýys berdi. Qazir aýdandar ishinde saılaýshylardyń sany jaǵynan Oıyl aýdany (88,9 paıyz) alda tur. Bul aýdanda 1973 turǵyn daýys bergen, — deıdi oblystyq saılaý komıssııasynyń múshesi Shyńǵys Nurjigit.

Onyń aıtýynsha, bul kórsetkish boıynsha 2-orynda Qarǵaly aýdany (84,2 %) bolsa, 3-orynda — Shalqar aýdany (79,1%) .

Al oblystyq jergilikti polıııa qyzmeti basqarmasynyń basshysy  Ardana  Saımaǵanbetovtiń aıtýynsha, aýdan ákimderin saılaý kezinde qoǵamdyq qaýipsizdikti saqtaýǵa oblys boıynsha 196 polıııa qyzmetkeri jumyldyrylǵan. Sondaı-aq 74 polıııa qyzmetkeri saılaý bıýlletenderin jetkizý jumystaryna atsalysady.

— Polıııa qyzmetkerleri barlyq okrýgtegi saılaý ýchaskelerinde tártipti qadaǵalap, buzýshylyqtar bolǵan jaǵdaıda jedel áreket etetin bolady. Bizdiń mindet — saılaý kezinde qoǵamdyq qaýipsizdikti qamtamasyz etý, — deıdi ol.

Oblystyq saılaý komıssııasynyń tóraǵasy Gúlnar Kúnbaevanyń aıtýynsha, oblystaǵy aýyl ákimderin saılaý barysy týraly aqparattar halyqqa tikeleı efırler arqyly habarlanyp otyrady. Saılaýdyń aldyn ala qorytyndysy jergilikti ýaqytpen keshki saǵat 20.00-de shyǵarylady.

Qazir oblystaǵy barlyq aýdanda turǵyndar aýyl ákimderin saılaýǵa belsendi túrde qatysyp jatyr. Kásip pen sharýanyń negizi aýylda ekenin eskersek, aýyl ákimderi solardyń bárin úılestirýshi bolyp tabylady. Osyny túsingen úmitkerler de osyǵan deıin barynsha belsendilik tanytqan bolatyn.

 

"Adyrna" ulttyq portaly.

Pikirler