Qaraǧandy oblysynyŋ soty bırneşe ai boiy 13 jasar qyzdy zorlaǧan auyl meşıtınıŋ qyzmetkerıne qatysty ükım şyǧardy, dep habarlaidy "Adyrna" ūlttyq portaly Sputnik Qazaqstan saityna sılteme jasap.
Is Qaraǧandy oblysynyŋ mamandandyrylǧan audanaralyq sotynda qaraldy. Er adam Qylmystyq kodekstıŋ 120-babynyŋ törtınşı bölıgı "jas balany zorlau" boiynşa sotqa tartyldy.
Balany zorlau 2020 jyldyŋ 3 qaŋtarynda bastalǧan. Sol künı auyl moldasy qyzdyŋ otbasyna üi şaruaşylyǧyna kömektesken. Bır sätte ol eresekterdıŋ üide bolmaǧanyn paidalanyp, qyzdy zorlaǧan.
Sodan keiın auyl moldasy qyzdy taǧy üş ret zorlaǧan: sol jyldyŋ aqpan, nauryz jäne mausym aiynda. Qyz odan jüktı boldy.
Sottaluşynyŋ kınäsı jäbırlenuşınıŋ, onyŋ zaŋdy ökılderınıŋ, kuägerlerdıŋ aiǧaǧymen, saraptama nätijesı jäne ıske qatysty basqa da materialdarmen däleldendı. Prokuror sottan moldany 20 jylǧa bas bostandyǧynan aiyrudy sūrady, qyzdyŋ zaŋdy ökılderı de sondai jaza talap ettı.
Nätijesınde sot er adamdy 20 jylǧa bas bostandyǧynan aiyrdy. Ol jazasyn qataŋ rejimdegı koloniiada öteidı. Sottaluşy ömır boiy pedagogikalyq qyzmetpen ainalysu jäne kämeletke tolmaǧandarmen jūmys ısteu qūqyǧynan aiyryldy.
Sot ükım şyǧarǧan kezde sottaluşynyŋ bala kezınen üşınşı toptaǧy mügedek ekenın, būryn sottalmaǧanyn, sondai-aq öz kınäsın ışınara moiyndaǧanyn eskerdı.
Ükım zaŋdy küşıne engen joq.
"Adyrna" ūlttyq portaly
Ūqsas jaŋalyqtar
