Qazaqstannyŋ qai aimaqtarynda jūmysşylar eŋ köp jalaqy alady – nazarlaryŋyzǧa Ūlttyq statistika biurosynyŋ mälımetterın ūsynamyz.
2021 jyldyŋ ekınşı toqsanynda bır qyzmetkerdıŋ ortaşa ailyq jalaqysy 251 508 teŋgenı qūrap otyr, bırınşı toqsanda būl körsetkış 230 829 teŋge bolatyn. Mūndai mälımetterdı Ūlttyq statistika biurosy keltıredı, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
«2021 jyldyŋ ekınşı toqsanynda bır qyzmetkerdıŋ ortaşa ailyq jalaqysy 251 508 teŋgenı qūrady. Nominaldy jalaqy indeksı 2020 jyldyŋ tiıstı toqsanynda 118,6%, al naqty – 110,4% qūrady», – delıngen habarlamada.
Qai aimaqtyŋ jūmysşylary köp jalaqy alady
Aimaqtyq jaǧdaida eŋ joǧary ortaşa ailyq jalaqy Atyrau oblysynda tırkeldı – 398 469 teŋge, būl ortaşa respublikalyq deŋgeiden 1,6 ese joǧary. Sonymen bırge üzdık aimaqtar qatarynda Maŋǧystau oblysy (363 447 teŋge) jäne Nūr-Sūltan qalasy (344 496 teŋge) bar. Soltüstık Qazaqstan oblysynda atauly körsetkış 189,8 myŋ teŋgenı qūrady, būl ortaşa respublikalyq körsetkışten 24,5% tömen.
Qandai käsıptıŋ jalaqysy joǧary
Salalyq qūrylymda eŋ joǧary nominaldy jalaqy qarjylyq jäne saqtandyru qyzmetınde tırkeldı – 472,5 myŋ teŋge (ortaşa respublikalyq deŋgeiden 1,9 ese joǧary).
Sondai-aq statistikaǧa säikes, eŋ joǧary jalaqy tau-ken önerkäsıbınde baiqalady – 461,8 myŋ teŋge (1,8 ese), käsıbi, ǧylymi jäne tehnikalyq qyzmet salasynda – 356,7 myŋ teŋge (1,4 ese) jäne aqparat pen bailanys salasynda – 338,6 myŋ teŋge (säikesınşe 1,3 ese).
Ortaşa ailyq atauly jalaqynyŋ eŋ tömengı deŋgeiı auyl, orman, balyq jäne sumen jabdyqtau sektorlarynda tırkeldı – 145,6 myŋ teŋge jäne qaldyqtardy jinauǧa, öŋdeuge jäne joiuǧa, lastanudy boldyrmau ıs-şaralary – 146,5 myŋ teŋge.
"Adyrna" ūlttyq portaly
Ūqsas jaŋalyqtar
