Qalany abattandyrudyŋ jaŋa tūjyrymdamasy jasalady

Şymkent qalasynyŋ äkımı Mūrat Äitenovtıŋ töraǧalyǧymen qalany körıktendıru jäne jasyl jelektı kütıp ūstau mäselesıne arnalǧan jiyn öttı.Kün tärtıbıne qoiylǧan mäsele boiynşa Şymkent qalasynyŋ qalalyq jaily ortany damytu basqarmasynyŋ basşysynyŋ baiandamasy tyŋdaldy. Basqarmanyŋ osy salada atqaryp jatqan jūmystaryn baiandaǧan Ǧalym İliasov jūmys tiımdılıgın arttyruǧa baǧyttalǧan bırqatar ūsynystaryn jetkızdı. Basqarma basşysy bergen mälımetke säikes, qala aumaǧynda 8 saiabaq, 39 gülzar men alleia, 50 eskertkış kütımge alynǧan. Basqarma teŋgerımındegı jasyl jelekter kölemı 152 gektardy qūrasa, onyŋ 115 gektary saiabaq aimaqtaryna tiesılı. Sondai-aq, qaladaǧy 37 subūrqaq pen 44 ūŋǧymany kütıp-ūstau mındetterı de osy basqarmaǧa jüktelgen.Salada atqarylyp jatqan jūmystardy mūqiiat tyŋdaǧan qala basşysy Mürat Äitenov, parkter men skverler tūrǧyndarǧa meilınşe qolaily boluy kerektıgıne nazar audardy. Mūnda kışı säulettık pışınder qoiylyp, jasyl jelek qoryn sauyqtyru, jaŋartu jūmystary jüielı türde atqarylu kerektıgın aitty. Subūrqaqtardyŋ küzgı, qysqy kezeŋderde konservasiialau tärtıbın qataŋ saqtaudy, köktemgı jäne jazǧy kezeŋderde olardyŋ jūmys ısteu reglamentın naqty bekıtudı tapsyrdy. Subūrqaqtardyŋ elektr qūrylǧylarynyŋ qauıpsız boluyn tūraqty qadaǧalauda ūstap, olarǧa jauapty tūlǧalardyŋ mındettemelerın belgıleudı jüktedı.Qala äkımı saiabaqtardyŋ barlyǧy derlık qalanyŋ eskı ortalyǧynda qalyp otyrǧandyǧyn nazarǧa aldy. Qūrylys qarqyn alyp jatqan jaŋa şaǧyn audandarda saiabaqtar men alleialar qūrylysyn jürgızu, jasyl jelek qoryn qalyptastyru kerektıgın aitty. Ol üşın osy salaǧa jauap beretın negızgı mekeme – qalalyq jaily ortany damytu basqarmasy urbanistika salasy men jergılıktı ǧalymdardy keŋınen tarta otyryp, qalany abattandyrudyŋ salalyq strategiiasyn jasauy kerek dedı. Abattandyru strategiiasynda qalanyŋ jasyl jelek qorynyŋ bügıngı ahualy tolyq zerdelenıp, barlyq aumaqtardy teŋdei kögaldandyrudyŋ keşenı qalyptastyrylmaq. Onyŋ ışınde jaŋadan salynǧan şaǧyn audandarda saiabaqtar men skverler, alleialar salu, tūrǧyn üi aulalarynda tal egu, kögaldarǧa suaru jüiesın ornatu, jasyl jelektı kütıp-ūstau mındettemelerın bölu syndy mäseleler qamtylatyn bolady.Qalanyŋ jasyl jelek qoryna jüielı qamqorlyqty qalyptastyratyn būl qūjat, kögaldandyru jūmystaryn jürgızudıŋ jaŋa tūjyrymdamasyn bekıtıp, qala köşelerıne ystyq aua raiyna beiım keletın köpjyldyq gülder tūqymyn otyrǧyzu, mazarat aimaqtaryn kütıp-ūstau talaptaryn qamtityn bolady. Qala basşysynyŋ talaby boiynşa, qalada bos, topyraǧy şyǧyp jatqan jerler bolmauy kerek. Köpqabatty tūrǧyn üi aulalaryn abattandyruda «asfalt, aiaqjol tösemelerı jäne kögal» ūstanymy basşylyqqa alynyp, tūrǧyn üilerdıŋ qas betterı jaryqtandyryluy tiıs, aulalarda qolaily oryndyqtar, qoqys jäşıkterı qoiylyp, balalar oiyn alaŋşalary boluy kerek.Qala ortalyǧynan şalǧaida jatqan aumaqtardy abattandyrudy nazarǧa alǧan şahar basşysy, sai-salalarda egılgen kögaldy aumaqtardy kädege jaratudyŋ tiımdı joldaryn belgıleudı tapsyrdy. Qūrylys qaldyqtaryn joiyp, ekologiiany sauyqtyru boiynşa pärmendı jūmystar atqarudy jüktedı. Qalany abattandyru talaptary qalalyq mäslihat şeşımımen bekıtılgen Erejede qamtylǧandyǧyn aitqan Mūrat Düisenbekūly, audan äkımderı osy talaptardyŋ oryndaluyn kündelıktı baqylauy kerektıgın aitty. Ainalanyŋ tazalyǧyna jauapkerşılıktı arttyru jönınde kommersiialyq nysan ielerı jäne merdıger ūiymdar arasynda naqty jauapkerşılık mındettemelerın bölıp, bekıtıp berudı tapsyrdy. Merdıger ūiymdarda monitoring jäne baqylau qūrylymdary aşylyp, atqarylǧan jūmystarǧa baqylau jüiesı küşeietın bolady. Būl öz kezegınde qalany abattandyru jäne sanitarlyq tazalyǧyn saqtau salasyndaǧy jūmystardy jüielendıruge yqpal etedı.Tūrǧyndar arasynda tazalyqqa janaşyrlyq tanymyn qalyptastyru üşın keşendı aqparat-nasihat jūmystaryn jürgızu jükteldı. Jiynda qaladaǧy abattandyru jūmystarynyŋ tiımdılıgın arttyru, jasyl jelektıŋ önımdılıgın baqylau maqsatynda osy saladaǧy jūmystardy avtomattandyru mäselesı de aityldy. Būl baǧytta saiabaqtar men alleialarǧa beinebaqylau kameralary qoiylyp, bıryŋǧai aqparattyq derekqor tüzılmek jäne oǧan tiıstı salalyq basqarmalar men audan äkımdıkterı qosylmaq. Jiynda köterılgen osy mındetterdıŋ barlyǧy Şymkent qalasyn abattandyrudyŋ jaŋa tūjyrymdamasynda qamtylatyn bolady. Qala basşysy qala üşın maŋyzy zor būl qūjat jobasyn biylǧy tamyz aiynda ūsynudy tapsyrdy.