Shymkent qalasynyń ákimi Murat Áıtenovtiń tóraǵalyǵymen qalany kóriktendirý jáne jasyl jelekti kútip ustaý máselesine arnalǵan jıyn ótti.Kún tártibine qoıylǵan másele boıynsha Shymkent qalasynyń qalalyq jaıly ortany damytý basqarmasynyń basshysynyń baıandamasy tyńdaldy. Basqarmanyń osy salada atqaryp jatqan jumystaryn baıandaǵan Ǵalym Ilıasov jumys tıimdiligin arttyrýǵa baǵyttalǵan birqatar usynystaryn jetkizdi.
Basqarma basshysy bergen málimetke sáıkes, qala aýmaǵynda 8 saıabaq, 39 gúlzar men alleıa, 50 eskertkish kútimge alynǵan. Basqarma teńgerimindegi jasyl jelekter kólemi 152 gektardy qurasa, onyń 115 gektary saıabaq aımaqtaryna tıesili. Sondaı-aq, qaladaǵy 37 sýburqaq pen 44 uńǵymany kútip-ustaý mindetteri de osy basqarmaǵa júktelgen.Salada atqarylyp jatqan jumystardy muqııat tyńdaǵan qala basshysy Múrat Áıtenov, parkter men skverler turǵyndarǵa meılinshe qolaıly bolýy kerektigine nazar aýdardy. Munda kishi sáýlettik pishinder qoıylyp, jasyl jelek qoryn saýyqtyrý, jańartý jumystary júıeli túrde atqarylý kerektigin aıtty. Sýburqaqtardyń kúzgi, qysqy kezeńderde konservaııalaý tártibin qatań saqtaýdy, kóktemgi jáne jazǵy kezeńderde olardyń jumys isteý reglamentin naqty bekitýdi tapsyrdy. Sýburqaqtardyń elektr qurylǵylarynyń qaýipsiz bolýyn turaqty qadaǵalaýda ustap, olarǵa jaýapty tulǵalardyń mindettemelerin belgileýdi júktedi.Qala ákimi saıabaqtardyń barlyǵy derlik qalanyń eski ortalyǵynda qalyp otyrǵandyǵyn nazarǵa aldy.
Qurylys qarqyn alyp jatqan jańa shaǵyn aýdandarda saıabaqtar men alleıalar qurylysyn júrgizý, jasyl jelek qoryn qalyptastyrý kerektigin aıtty. Ol úshin osy salaǵa jaýap beretin negizgi mekeme – qalalyq jaıly ortany damytý basqarmasy ýrbanıstıka salasy men jergilikti ǵalymdardy keńinen tarta otyryp, qalany abattandyrýdyń salalyq strategııasyn jasaýy kerek dedi. Abattandyrý strategııasynda qalanyń jasyl jelek qorynyń búgingi ahýaly tolyq zerdelenip, barlyq aýmaqtardy teńdeı kógaldandyrýdyń kesheni qalyptastyrylmaq. Onyń ishinde jańadan salynǵan shaǵyn aýdandarda saıabaqtar men skverler, alleıalar salý, turǵyn úı aýlalarynda tal egý, kógaldarǵa sýarý júıesin ornatý, jasyl jelekti kútip-ustaý mindettemelerin bólý syndy máseleler qamtylatyn bolady.Qalanyń jasyl jelek qoryna júıeli qamqorlyqty qalyptastyratyn bul qujat, kógaldandyrý jumystaryn júrgizýdiń jańa tujyrymdamasyn bekitip, qala kóshelerine ystyq aýa raıyna beıim keletin kópjyldyq gúlder tuqymyn otyrǵyzý, mazarat aımaqtaryn kútip-ustaý talaptaryn qamtıtyn bolady. Qala basshysynyń talaby boıynsha, qalada bos, topyraǵy shyǵyp jatqan jerler bolmaýy kerek. Kópqabatty turǵyn úı aýlalaryn abattandyrýda «asfalt, aıaqjol tósemeleri jáne kógal» ustanymy basshylyqqa alynyp, turǵyn úılerdiń qas betteri jaryqtandyrylýy tıis, aýlalarda qolaıly oryndyqtar, qoqys jáshikteri qoıylyp, balalar oıyn alańshalary bolýy kerek.Qala ortalyǵynan shalǵaıda jatqan aýmaqtardy abattandyrýdy nazarǵa alǵan shahar basshysy, saı-salalarda egilgen kógaldy aýmaqtardy kádege jaratýdyń tıimdi joldaryn belgileýdi tapsyrdy. Qurylys qaldyqtaryn joıyp, ekologııany saýyqtyrý boıynsha pármendi jumystar atqarýdy júktedi.
Qalany abattandyrý talaptary qalalyq máslıhat sheshimimen bekitilgen Erejede qamtylǵandyǵyn aıtqan Murat Dúısenbekuly, aýdan ákimderi osy talaptardyń oryndalýyn kúndelikti baqylaýy kerektigin aıtty. Aınalanyń tazalyǵyna jaýapkershilikti arttyrý jóninde kommerııalyq nysan ıeleri jáne merdiger uıymdar arasynda naqty jaýapkershilik mindettemelerin bólip, bekitip berýdi tapsyrdy. Merdiger uıymdarda monıtorıng jáne baqylaý qurylymdary ashylyp, atqarylǵan jumystarǵa baqylaý júıesi kúsheıetin bolady. Bul óz kezeginde qalany abattandyrý jáne sanıtarlyq tazalyǵyn saqtaý salasyndaǵy jumystardy júıelendirýge yqpal etedi.Turǵyndar arasynda tazalyqqa janashyrlyq tanymyn qalyptastyrý úshin keshendi aqparat-nasıhat jumystaryn júrgizý júkteldi. Jıynda qaladaǵy abattandyrý jumystarynyń tıimdiligin arttyrý, jasyl jelektiń ónimdiligin baqylaý maqsatynda osy saladaǵy jumystardy avtomattandyrý máselesi de aıtyldy. Bul baǵytta saıabaqtar men alleıalarǵa beınebaqylaý kameralary qoıylyp, biryńǵaı aqparattyq derekqor túzilmek jáne oǵan tıisti salalyq basqarmalar men aýdan ákimdikteri qosylmaq. Jıynda kóterilgen osy mindetterdiń barlyǵy Shymkent qalasyn abattandyrýdyń jańa tujyrymdamasynda qamtylatyn bolady. Qala basshysy qala úshin mańyzy zor bul qujat jobasyn bıylǵy tamyz aıynda usynýdy tapsyrdy.
