Almatyda kópqabatty úıdiń jertólesinde esirtki ósirgen turǵyn anyqtaldy, dep habarlaıdy "Adyrna" ulttyq portalynyń tilshisi.
Almaty qalasy Polıııa departamentiniń baspasóz qyzmetinen túsken resmı málimetke súıensek, 45 jastaǵy er adam Dostyq kóshesinde ornalasqan turǵyn úıdiń jertólesinde marıhýana ósirgen.
«T. esimdi er adam marıhýana ósip turǵan ydysty folga men ýltrakúlgin sáýlesi men jabdyqtalǵan buryshqa qoıǵan. Kúdiktiniń aıtýynsha, ol osy ýaqytqa deıin osylaı tájirıbe jasaǵan. Eger sátti bolsa, ol bul qylmystyq bıznesti jandandyrýdy josparlaǵan. Biraq bul oıy júzege aspady. Onyń zańsyz áreketteri toqtatyldy. Bul fakt QR QK-niń 300-baby boıynsha sotqa deıingi tergeýdiń biryńǵaı tizilimine tirkeldi. Tergeý toby zattaı aıǵaqtardy tárkiledi jáne saraptamaǵa jiberdi», – deıdi Medeý aýdandyq PB bastyǵynyń orynbasary Elnur Qudratbaev.
Sonymen qatar, kúdiktiniń buryn múliktik jáne esirtki qylmystary úshin jaýapqa tartylǵany anyqtaldy.
"Adyrna" ulttyq portaly
