Hıýrrem Sultan Qazaqstanǵa kele jatyr

2610
Adyrna.kz Telegram

Áıgili «Súleımen sultan» serıalynda Hıýrrem Sultannyń rólin somdaǵan aktrısa Merem Ýzerlı keler jyldyń basynda Qazaqstanǵa keledi dep jazady otandyq banktiń Instagram paraqshasy, dep habarlaıdy “Adyrna” ulttyq portaly kznews.kz saıtyna silteme jasap. 

Aktrısa Qazaqstanda ótetin Álemdik Azııa kınofestıvali Aitysh Asian World Film Festival tusaýkeserine shaqyrylady jáne telehıkaıalar úshin arnaıy marapatqa ıe bolady.

Bul Azııanyń, Ortalyq, Shyǵys jáne Soltústik Afrıkanyń 50-den astam elin qamtıtyn alǵashqy joba bolmaq.

Telehıkaıalar úshin jańa syıaqyny uıymdastyrýshylardyń biri – Eýrazııalyq banktiń dırektorlar keńesiniń múshesi, belgili qazaqstandyq kásipker Shýhrat Ibragımov.

«Bul jobanyń kómegimen biz búkil álemge aımaqtyq telehıkaıalardyń shyǵarmashylyq jáne tehnıkalyq múmkindikterin kórsetkimiz keledi. Men Dúnıejúzilik Azııa kınofestıvaliniń tóraǵasy jáne jańa jobanyń negizin qalaýshy bolý qurmetine ıe bolǵanyma qýanyshtymyn», – dedi Ibragımov.

Qazaqstandyq tusaýkeserge Merem Ýzerlıden basqa Koreıa, Reseı, Qytaı jáne basqa elderdiń áıgili telehıkaıalarynyń juldyzdary shaqyrylady. Asian World TV Series Awards-tyń marapattaý rásimi 2022 jyldyń mamyr aıynyń basynda Stambýlda ótedi.

”Adyrna” ulttyq portaly

Pikirler