Bügın elordada Ortalyq kommunikasiialar qyzmetınıŋ alaŋynda Qazaqstan Respublikasy Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ keŋeitılgen otyrysy öttı. Būl turaly «Adyrna» tılşısı Ūlttyq komissiiaǧa sılteme jasap habarlaidy.
Otyrysqa Parlament deputattary, Ūlttyq komissiia müşelerı, ortalyq memlekettık jäne jergılıktı atqaruşy organdardyŋ, ükımettık emes ūiymdar men BAQ ökılderı qatysty. Otyrysty aşarda Ūlttyq komissiia töraiymy Lazzat Ramazanova Memleket basşysynyŋ «Halyq bırlıgı jäne jüielı reformalar – el örkendeuınıŋ berık negızı» atty Qazaqstan halqyna Joldauynda qoiylǧan mındetter memlekettık jäne jergılıktı atqaruşy organdardan qazaqstandyq otbasylardyŋ äl-auqatyn jaqsartu jäne äielderdıŋ qūqyqtary men mümkındıkterın keŋeitu üşın joǧary jauapkerşılık pen üilesımdı ıs-qimyldy talap etetının atap öttı.
«Otbasy äl-auqatynyŋ mäselelerı, tūrmystyq zorlyq- zombylyqtyŋ jüielı aldyn alu boiynşa qoǧamdyq ūiymdarmen tiımdı özara ıs-qimyl jasau, ömırlık qiyn jaǧdaiǧa tap bolǧan azamattarǧa uaqtyly kömek körsetu - būl mäseleler Ūlttyq komissiia jūmysynda basym bolyp qala beredı», - dep atap öttı Lazzat Ramazanova.Otyrysta 5 öŋırde: Nūr-Sūltan, Şymkent qalasy, Almaty, Şyǧys Qazaqstan jäne Maŋǧystau oblystarynda «Otbasyndaǧy zorlyq-zombylyqsyz Qazaqstan» pilottyq jobasynyŋ ıske asyrylu barysy turaly aqparat tyŋdaldy. Jobanyŋ maqsaty - otbasy institutyn nyǧaitu jäne otbasylyq-tūrmystyq saladaǧy qūqyq būzuşylyqty azaitu. Tūrmystyq zorlyq-zombylyqtyŋ aldyn alu jüiesınıŋ jai-küiın taldau ärbır ekınşı qylmys mas küiınde jasalatynyn, zaŋsyz äreketterdıŋ 70-75% tūrǧyn üi-jailarda oryn alatyndyǧyn körsettı. 80% jaǧdaida zorlyq - zombylyq subektılerı bolyp erlı-zaiypty nemese azamattyq nekede tūrǧan adamdar, 20% - özge tuystyq qatynastaǧy adamdar bolyp tabylady. Jürgızılıp jatqan jūmysqa qaramastan, şeşudı talap etetın bırqatar problemalar bar. Aumaqtardy damytu josparlarynda otbasy institutyn nyǧaitu jäne tūrmystyq zorlyq-zombylyqtyŋ aldyn alu mäselelerı boiynşa tüiındı nysanaly indikatorlar joq ekenı anyqtaldy. Jergılıktı atqaruşy organdardyŋ qūzyretı naqtylanbaǧan. Aldyn alu jüiesıne ädılet, mädeniet jäne sport, ışkı jäne jastar saiasaty organdary tartylmaǧan. «Jüielı monitoringtı engızu, äleumettık qolaisyzdyq pen tūrmystyq zorlyq - zombylyq mäselelerı boiynşa vedomstvoaralyq özara ıs-qimyldy jäne jedel den qoiu tetıkterın nyǧaitu qajet», - dep atap öttı Lazzat Ramazanova. Eŋbek jäne halyqty äleumettık qorǧau ministrlıgı men Strategiialyq josparlau jäne reformalar jönındegı agenttıgınıŋ Ūlttyq statistika biurosynyŋ öŋırlerdegı otbasylardyŋ äl-auqatyna monitoring jürgızu nätijelerı jäne Qazaqstan Respublikasyndaǧy 2030 jylǧa deiıngı otbasylyq jäne genderlık saiasat tūjyrymdamasynyŋ indikatorlaryn esepteu ädıstemesı turaly aqparaty tyŋdaldy. Eŋbek jäne halyqty äleumettık qorǧau ministrlıgınıŋ aqparaty boiynşa, «Otbasynyŋ sifrlyq kartasyn» engızu josparlanuda. Elımızdıŋ 19 mln. tūrǧynyna taldau jürgızıldı, 5 mln. 341 myŋ otbasynyŋ sifrlyq kartalary qalyptastyryldy. Bügıngı taŋda otbasylardyŋ 2,7 mln nemese 50,6%-y qolaily jäne jaqsy deŋgeige jatady. Atauly äleumettık kömekpen qamtu 2020 jyldyŋ ūqsas kezeŋımen salystyrǧanda 186,2 myŋ otbasyna deiın nemese 891,1 myŋ adamnan astam östı, ösım 25%-dy qūrady. Qazaqstan Respublikasyndaǧy 2030 jylǧa deiıngı otbasylyq jäne genderlık saiasat tūjyrymdamasyn ıske asyru şeŋberınde Ūlttyq statistika biurosy 9 nysanaly indikator boiynşa esepteu ädıstemesın äzırledı. Ol otbasylyq jäne genderlık saiasatty ıske asyru tiımdılıgınıŋ negızgı körsetkışterın qalyptastyru tärtıbın jüielendıruge, derekterdı jinau, ūsynu jäne olardy saqtau üşın uäkılettı memlekettık organdardyŋ jauapkerşılıgın bekıtuge mümkındık beredı. Otyrys soŋynda QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraiymy Lazzat Ramazanova memlekettık organdarǧa bırqatar naqty ūsynystar berdı.
«Adyrna» ūlttyq portaly
