Qazaqstan úkimeti otstavkaǵa ketýi kerek. Bul týraly Parlament otyrysynda senatorlardyń biri aıtty. Depýtattardyń aıtýynsha, buǵan basty sebep Asqar Mamın basqaratyn mınıstrler kabınetiniń azyq-túlik baǵasynyń ósýine jol berip alǵandyǵy, dep habarlaıdy "Adyrna" ulttyq portaly.
Pandemııa kezeńi bastalǵaly bir jarym jyldan keıin jýrnalısterdi alǵash ret Parlament ǵımaratyna kirgizdi. Onda depýtattar úsh jylǵa arnalǵan eldiń bıýdjetin talqylady.
Depýtattar azyq-túlik baǵasynyń ósýine qatysty da biraz tartysty. Olarǵa ásirese jergilikti kókónis, et pen nan sekildi ónimderdiń baǵasynyń tym ósip ketkeni túsiniksiz. Sheneýnikter bul máselege jahandyq ınflıaııany kináládi.
- Birqatar óńirlerde egin ónimderiniń ósimi tómen bolǵanyn eskersek, sharýalardyń shyǵyny kóp boldy, al bul óz kezeginde astyq qunynyń ósýine ákeldi. Osy sebepti árıne, astyq baǵasynyń qymbattaýy, bir jaǵynan, dıqandarymyzdyń qarjylyq jaǵdaıyna oń áserin tıgizdi. Olardyń kelesi jylǵa da daıyndalýlary qajet qoı", - deıdi Aýyl sharýashylyǵy mınıstri Erbol Qarashúkeev.
Uzaq ýaqyt Nur-Sultan qalasynda turyp, keıin Ózbekstanǵa oralǵan Sırojıddın Joraevtyń aıtýynsha, onyń elinde azyq-túliktiń baǵasy áldeqaıda tómen. Ásirese kókónister. Al ettiń baǵasy bizdikimen birdeı.
- Ettiń baǵasy shamamen birdeı. Sıyr eti – 2500, qoı eti – 2800, al taýyq eti – 1000 teńge. Alaıda Astanadan arzanyraq satyp alýǵa bolady. Sebebi, Ózbekstanda kópshiligi mal ustamaıdy, sondyqtan qymbat, - deıdi Sırojıddın Joraev.
Eldegi qazirgi jaǵdaıǵa qarap, úkimet bul tapsyrmany sátti oryndaýda dep aıtý qıyn. Depýtattardyń kópshiligi bılik partııasynyń ókili bolyp tabylatyn Senat ta qazirgi mınıstrler kabınetiniń múmkindikterine kúmánmen qaraıdy. Parlament qabyrǵasynda tipti otstavka jaıynda sóz qozǵala bastaǵan.
- Bıliktiń basty mindeti – azyq-túlik baǵasyn tómendetý. Biraq óndirýshiler tarapynan ádeıi jasalyp jatqan áreket sekildi kórinedi. Eger mınıstrler kabıneti ınflıaııany toqtata almasa, ony basqa adamdar isteý kerek. Meniń oıymsha eger bılik berilgen tapsyrmany durys oryndaı almasa, onda otstavkaǵa ketýi qajet. Al ázirge olardyń jumysyn 3 dep baǵalaımyz, - dedi QR Parlament Senatynyń depýtaty Muhtar Qul-Muhammed.
"Adyrna" ulttyq portaly
