Qazaqstanda jastar arasyndaǵy jumyssyzdyq deńgeıi tómendedi

2905
Adyrna.kz Telegram

QR Eńbek jáne halyqty áleýmettik qorǵaý mınıstri Serik Shápkenov Qazaqstandaǵy eńbek naryǵyndaǵy jaǵdaı týraly aıtty, dep habarlaıdy "Adyrna" tilshisi.

Onyń aıtýynsha, eńbek naryǵyn birtindep qalpyna keltirý jalǵasýda, onyń kórsetkishteri oń dınamıka kórsetip otyr. Máselen, Ulttyq statıstıka bıýrosynyń málimeti boıynsha, aǵymdaǵy jyldyń ekinshi toqsanynda jumys kúshi sany 9,3 mıllıon adamdy qurady, onyń ishinde jumyspen qamtylǵandar sany 73 myń adamǵa ósti.

Pandemııa bastalǵannan beri jumys istemeıtin jumysshylardyń sany 12,2%-dan 7,4%-ǵa tómendedi. Jumyssyzdyq deńgeıi 4,9 paıyz deńgeıinde saqtaldy, al jastar arasyndaǵy jumyssyzdyq deńgeıi ótken jylmen salystyrǵanda tómendep, 3,7 paıyzdy qurady, – dedi Serik Shápkenov úkimet otyrysynda.

Mınıstrlik bıylǵy jyly 1,2 mıllıon adamdy, onyń ishinde «Eńbek» memlekettik baǵdarlamasy boıynsha 700 myń adamdy, «Jumyspen qamtý jol kartasy» boıynsha 2 myń adamdy, basqa memlekettik baǵdarlamalar boıynsha taǵy 440 myń jańa jumys ornyn ashýdy josparlap otyr. Úsh baǵyt boıynsha qoldaý sharalary qazirdiń ózinde 1 mıllıonǵa jýyq adamǵa jetti.

"Adyrna" ulttyq portaly

Pikirler