Äleumettık jelılerde Talǧarda jaiau jürgınşını qaǧyp, oqiǧa ornynan qaşyp ketken jürgızuşı qūqyq qorǧau organynyŋ būrynǧy qyzmetkerı ekenı turaly aqparat paida boldy, dep habarlaidy KTK arnasy.
Almaty oblysyndaǧy adam ölımıne qatysty oqiǧanyŋ jaŋa mälımetterı belgılı boldy. Marqūmnyŋ tuystary: "Sol bır qaraly tünde būrynǧy polisei şeteldık kölıktı basqaryp, mas küiınde bolǧan. Būǧan oiyn-sauyq oryndarynyŋ bırıne ornatylǧan baqylau kameralarynyŋ jazbalary dälel", - dep jazdy.
Jazba avtory ölımge äkelgen Mercedes-Benz kölıgın qaǧyp ketken adamnyŋ būrynǧy polisiia qyzmetkerı ekenın aitty.
"Ol 24 qazanda jūmystan bosatyldy. Al 25 qazan künı adamdy qaǧyp, qaşyp kettı. Būǧan IID basşysy ne deidı?" – deidı jazba avtory.
Oqiǧaǧa qatysty marqūmnyŋ äpkesı pıkır bıldırdı.
"Mas qyzmetkerdıŋ kesırınen tıreuımızden aiyryldyq. Onsyz qalai ömır süretınımızdı elestete de almaimyn. Barlyq qoldary men aiaqtary synǧan. Bız ädıldıktı talap etemız, öitkenı būl bız üşın ülken şyǧyn. Qalaişa qaǧyp ketıp, ary qarai qaramastan, toqtamastan kete beruge bolady. Eŋ bolmasa tüsıp, kömek berse aman qalatyn ba edı. Baiqūs bala ekı jarym saǧat jatyp qalǧan", - deidı marqūmnyŋ äpkesı Maral Jeŋısova.
Poliseiler jol apatynda ūstalǧan 26 jastaǧy jıgıttıŋ polisiia qyzmetkerı emes ekenın aitty.
"Oqiǧa bolǧan kezde küdıktı polisiia qyzmetkerı bolmaǧan, öitkenı ol oqiǧadan būryn öz erkımen jūmystan ketu turaly aryz bergen. Medisinalyq saraptamanyŋ qorytyndysy onyŋ mas küiınde bolmaǧanyn körsettı. Taǧy da saraptamalar jürgızıletın bolady", - dep habarlady polisiia departamentınıŋ baspasöz qyzmetınen.
