Şymkent qalasynda būqaralyq sport türlerı qarqyndy türde damyp keledı. Jaŋa sport keşenderı boi köterıp, jastar arasynda dene şynyqtyruǧa, sporttyq oiyndarǧa degen qyzyǧuşylyq arta tüsken.
Şymkent qalasy äkımdıgı de būl baǧytta jüielı jarystar ūiymdastyryp, jastardy yntalandyruǧa bar küşın saluda.
Būl turaly Şymkent qalalyq dene şynyqtyru jäne sport basqarmasy basşysynyŋ orynbasary Ermek Därmenov äŋgımelep berdı.
"El prezidentı Qasym-Jomart Toqaevtyŋ juyrdaǧy joldauy būqaralyq sportty damytu jönınde aitylyp ötken bolatyn. Osy boiynşa köptegen jūmystar atqarylyp jatyr. Onyŋ ışınde bızdıŋ qalanyŋ äkımı Mūrat Düisenbekūlynyŋ bastamasymen 115 alaŋşa salu josparlanǧan. Onyŋ jetı alaŋşasy käsıpkerlerdıŋ qarjysyna salynyp jatyr, al törteuınıŋ qūrylysy bıtıp, bırı ärı bıregeiı bolǧan alaŋşalar Şymkent Plaza jekemenşık käsıpornynyŋ qarjysyna salynyp qoldanyluǧa berıldı. Bügıngı taŋda Şymkent qalasynyŋ sportşylarynyŋ igılıgı üşın jūmys ısteude" dedı Ermek myrza öz sözınde.
Şalǧai audandarda tūratyn sportqa beiım jastardy qalalyq sporttyq ūiymdarǧa tartu arqyly, jastardyŋ sportqa degen qyzyǧuşylyǧyn arttyru negızgı maqsat ekenın, atai kettı ol.
Qazır Şymkent qalasynda 340 myŋnan astam sportşylar jattyǧuda. Statistikalyq esep boiynşa byltyrǧy mejeden asyp tüskenın basa aitty.
Tolyǧyraq sılteme arqyly körıŋız: https://youtu.be/aADQ7wP9iFk
"Adyrna" ūlttyq portaly
Ūqsas jaŋalyqtar
