Almaty oblysyndaǵy Qaskeleń perzenthanasyndaǵy dárigerler terezeden sekirmek bolǵan júkti áıeldi qutqaryp qalǵan, dep habarlaıdy "Adyrna" ulttyq portaly ulysmedia.kz saıtyna silteme jasap.
Almatyda toǵyzynshy qabattan balalaryn laqtyryp, artynan ózi sekirip ketken áıeldiń oqıǵasy qoǵamdy dúr silkindirdi. Birneshe kún buryn dál osy úıdiń kórshi podezinde taǵy bir áıel ózine qol jumsap, terezeden sekirip ketken. Rastalǵan aqparatqa súıensek, onyń psıhıkalyq aýytqýshylyǵy bolǵan ári ózine birneshe ret qol jumsaǵysy kelgen. Kórshilerdiń aıtýynsha, kelinshektiń jasy otyzǵa taıap qalǵan, basyndaǵy nesıesin tóleı almaı júrgen.
Al osy kezde Qarasaı aýdany Qaskeleń perzenthanasynda jatqan áıel úshinshi qabattyń terezesinen sekirmekshi bolǵan. Dárigerler der kezinde úlgerip, áıeldi aman alyp qaldy. Mundaı sharasyzdyqqa ne sebep bolǵanyn qazir dquqyq qorǵaý organdary tekserip jatyr.
Qalalyq klınıkalyq aýrýhananyń terapevti jas áıelderdiń óz-ózine qol jumsaýynyń sebebi kúıeýimen nemese týystarymen kúndelikti turmystyq kıkiljińdermen baılanysty bolýy múmkin deıdi.
«Bul áıeldiń úsh balasy boldy. Balalar arasyndaǵy jas aıyrmashylyq óte jaqyn. Al ózi nebári 28 jasta. Bilesiz be, tipti bizdiń medbıkelerdiń ózi bosana sala, jumysqa shyǵyp ketedi. «Nege?» dep surasam, olar «Biz jumys isteýimiz kerek» deıdi. Al týystary qýyp jiberetin kezder de bolǵan. Aqsha kerek. Osyǵan qaramastan olar jıi bosanady. Nege deseńiz, oǵan járdemaqy alady. Birine tońazytqysh alsa, ekinshisine shańsorǵysh. Azap shegip jatqan psıhıkany, bosanýdan keıingi aǵzany qalpyna keltirý kerek ekendigin oılamaıdy. Bul áıel de uzaq ýaqyt depressııaǵa ushyrap, bolmashy urys áser etip otyr», – deıdi dáriger.
"Adyrna" ulttyq portaly
