Myŋdaǧan auǧandyqtar Pandjşir gubernatory keŋsesı aldynda tälıpterdıŋ «kınäsız azamatty» öltıruıne qarsy narazylyq şeruın ötkızdı, dep habarlaidy "Adyrna" ūlttyq portaly.
Demonstranttar Taliban küşterı Pandjşir provinsiiasynyŋ Anava qalasynda jazyqsyz beibıt tūrǧyndy atyp öltırgenın aitty. Pandjşir qauıpsızdık basqarmasynyŋ basşysy Abdul Hamid Hurasani tūrǧyndardyŋ bırın jalǧan aqparattyŋ kesırınen tälıpterdıŋ öltırgenın rastady.
Narazylyq bıldıruşıler tälıpter ädıldık üşın küresıp, kınälılerdı jauapqa tartuy kerek dep sanaidy. Osydan keiın Auǧanstan İslam Ämırlıgınıŋ basşylyǧy halyqqa mūndai qūqyqbūzuşylyqqa barǧan ärbır adam jauapqa tartylady dep uäde berdı.
«Ony qauıpsızdık küşterı alǧan dūrys emes aqparat negızınde öltırdı. Halyq narazylyq bıldırıp, äkımdıkke keldı. İslam Ämırlıgınıŋ basşylyǧy halyqqa mūndai äreketke barǧan kez kelgen adam jauapqa tartylatynyna uäde berdı», - delıngen vedomstvo basşysy habarlamada.Hurasanidıŋ aituynşa, jergılıktı şeneunıkterdıŋ narazylyq bıldıruşılermen söileskenı jäne narazylyq 26 jeltoqsan künı keşke aiaqtalǧany belgılı boldy. https://youtu.be/zayEJehhLOw
"Adyrna" ūlttyq portaly
Ūqsas jaŋalyqtar
