Almatyda uıymdasqan qylmystyq toptyń qarýly bes jetekshisi men top músheleri ustaldy, dep habarlaıdy "Adyrna" ulttyq portaly.
Bul týraly lańkestikke qarsy kúres jónindegi jedel shtabtan habarlady.
«Antıterrorlyq is-sharalar barysynda 4-6 qańtar aralyǵynda Almatyda memlekettik mekemeler men kommerııalyq nysandarǵa qaraqshylyq shabýyl jasaýǵa qatysqan uıymdasqan qylmystyq toptyń bes jetekshisi men top músheleri ustaldy», - delingen habarlamada.
Kúdiktilerden «PM», «TT» tapanshalary, kesilgen sholaq myltyq, olarǵa arnalǵan gılzalar, untaq tárizdi zat jáne erekshe ıisi bar tabletkalar alyndy.
Bolǵan jaǵdaıǵa baılanysty, Almatynyń Túrksib aýdanynda 26 qańtar kúni saǵat 00.00-den 27 qańtar kúni saǵat 00.00-ge deıin antıterrorlyq operaııa rejımi engizildi.
«Arnaıy jáne quqyq qorǵaý organdary tártipsizdikterge qatysýshylar men uıymdastyrýshylardy anyqtaý boıynsha jedel-izdestirý sharalaryn jalǵastyrýda.
Quqyq qorǵaý organdarynyń jumysyna túsinistikpen qaraýyńyzdy, olardyń zańdy talaptaryn qatań saqtaýyńyzdy suraımyz», - dedi Almaty qalalyq terrorızmge qarsy kúres jónindegi jedel shtab.
"Adyrna" ulttyq portaly
