Әскери киім киген жымқырушылар елдің қауіпсіздік бюджетін ұрлаудың тұрақты схемасын енгізіп, жауынгерлік күшке, ұлттық қауіпсіздікке нұқсан келтірді, деді Zakon.kz тілшісіне берген сұхбатында генерал-майор, генералдар кеңесінің төрағасы Махмұт Телеғұсов.
– Махмұт Өтегенұлы, соңғы кездері әлеуметтік желілерде әскери жасағымызға қатысты, оның жауынгерлік әзірлігі жоқ, қорғаныс қуатын, яғни еліміздің ұлттық қауіпсіздігін қамтамасыз ете алмайды деген сындар көп айтылуда. Жақында өзіңіз де әңгімеңізде Қазақстанның Қарулы Күштері әлемдік рейтингте Украина, Өзбекстан және Әзірбайжаннан кейін 64-орында екенін айттыңыз. Біздің әскери күшімізге не болып жатыр?
- Жақсы сұрақ. Қазақстанның қарулы күштері, таңқалатыны жоқ, елімізде орын алған соңғы 20 жыл ішіндегі мемлекеттің қорғаныс қабілетін әлсіретіп отырған, жасағымызды жоспарлы түрде дамыту мен әскери күштермен қайта қаруландыруға бағытталған жүйелі сыбайлас жемқорлықтың жойқын күшіне ұшырады.
Патриоттық сезімнен айырылған мұндай байғұс әскери басшылар еліміздің қорғаныс қуатын, болашағын іштен қасақана жоюды жалғастырды. Қорғаныс күші дегеніміз не?
Қорғаныс күші – елдің ұлттық қауіпсіздігі.
- Олар мұндай жауыз қадамға қалай барады? Түрмеге түсу қаупі сезілмей ме оларға?
-Аңғал болма.
Жоспар жүзеге аспай, сәтсіздікке ұшыраған жағдайда, олар өздерінің қарамағындағыларды еш өкінбестен кінәлі ете салады. Белгілі болғандай, қаңтар оқиғасы кезінде олардың көпшілігі төңкерісті ұйымдастырушыларды қолдап, ел басшылығына, Қарулы күштерге, арнайы және құқық қорғау органдарына қысым көрсетуге әрекеттенген.
– Еліміздің қорғаныс әлеуетіне арналған қаржыны ұрлауға Қорғаныс министрлігінің барлық генералдары атсалысып, мұндай сыбайлас жемқорлық заңсыздықтарын тоқтатуды ешкім қолына алған жоқ па?
– Осы уақыт ішінде Қорғаныс министрлері мен олардың орынбасарларынан 10-ға жуық генерал және Қазақстан Республикасы Қорғаныс министрлігінің қаржы, кадрлық, материалдық-техникалық қамтамасыз ету және әскерлерді орналастыру департаменттерінен 15-ке жуық полковник таза ортаны, таза суды лайландырды.
Яғни, бұл жоғары офицерлік шендердің корпоративтік тобы болды.
Әрине, жемқорлықты, заңсыздықты тоқтатуға тырысқан адал генералдар мен офицерлер ортада көбірек кездесті. Бірақ ОПГГ-нің құдіреттілігіне көз жеткізіп, олардың көпшілігі - өз саласының кәсіби мамандары мен кеңестік үлгідегі генералдар - өз еркімен кетуге өтініш жазатын.
– Сіздің ойыңызша, Қарулы Күштерімізге бөлінген қаржы жеткілікті ме?
- Бұл Әзірбайжан, Өзбекстан және Украина қарулы күштеріне бөлетін әскери бюджеттен аз. Аталған елдер тәуелсіздік алған күннен бастап соғыс қаупін тойтаруға дайындалды, өйткені олардың көршілес елдермен шешілмеген аумақтық мәселелері болды.
Мысалы, Әзірбайжан мен Армения арасындағы әскери қақтығыстарда, Украинадағы әскери операцияларда, Ресейде, НАТО елдерінде және басқа мемлекеттерде қызмет ететін ультра заманауи қару-жарақ пен бесінші буынның әскери техникасы қолданылады.
Елімізге келетін болсақ, Қазақстан Республикасы Қарулы Күштеріндегі құрамдас бөлігінің қорғаныс сипаты, ең алдымен, күшті әрі біртұтас әуе қорғанысы болуы керек.
Осылайша, мемлекеттік негіздерімізді қорғау барысында, оның ішінде Қазақстанның қорғаныс саясатын іске асыруға жүйелі бақылаудың жоқтығынан дұрыс бағыттан тайқыды.
Ал билік басындағы саяси партиялар мен халыққа жұмақ өмірді уәде еткен оппозициялық қозғалыс жетекшілері 30 жылда жүйелі жемқорлыққа қарсы бірде-бір жиын өткізген жоқ.
”Адырна” ұлттық порталы
