Atyraýda Tótenshe jaǵdaılar mınıstrliginiń joǵary laýazymdy qyzmetkeri ustaldy. Bul týraly óńirlik “Aq jaıyq” basylymy habarlady, dep jazady “Adyrna” ulttyq portaly.
10 aqpanda para aldy degen kúdikpen QR TJM Atyraý oblysy boıynsha ónerkásiptik qaýipsizdik departamentiniń basshysy ustaldy, QR QK 366-baby ("Para alý") boıynsha sotqa deıingi tergeý amaldary júrgizilýde.
Basylymnyń habarlaýynsha, bul týraly brıfıngte jergilikti sybaılas jemqorlyqqa qarsy qyzmet basshysynyń mindetin ýaqytsha atqarýshy Erulan Serikqalıev málimdedi.
Serikqalıev boljamdy para somasyn jarııalamady. Onyń aıtýynsha, ustalǵan adamǵa qatysty qamaýǵa alý túrindegi bultartpaý sharasy kinásin moıyndaýyna baılanysty qoldanylmaǵan, al tolyǵyraq aqparat keıinirek beriletin bolady.
“Adyrna” ulttyq portaly
