Алматыдағы хостелдегі өрттен қаза тапқан адамдардың жеке басы анықталды. Бұл туралы Алматы қалалық Полиция департаменті мәлімдеді, деп хабарлайды “Адырна” ұлттық порталы.
Алматы қалалық Полиция департаментінің хабарлауынша, қайтыс болған 13 адамның төртеуі шетелдіктер (Ресей Федерациясының 2 азаматы және Өзбекстанның 2 азаматы), қалған 9 адам - Қазақстан Республикасының азаматтары.
Бұған дейін Алматы қаласының әкімі Ерболат Досаев 10 адамның жеке басы анықталғанын мәлімдеген еді. Сондай-ақ, ол бұл хостел Алматы қаласы жоғары оқу орындарымен студенттердің тұруы үшін ынтымақтастық туралы меморандумға қол қоймағанын айтты.
Бұған дейін хабарлағанымыздай, бүгін таңертең Алматыда орналасқан хостелдердің бірінен өрт шығып, 13 адамды ажал құшты. Белгілі болғандай хостелдің іске қосылғанына не бәрі 1,5 ай болған. Онда шетел азаматтары тұрған. Сонымен қатар өрттің шығу себептерін тексеру жөніндегі Үкіметтік комиссия құрылды.Өрттен зардап шеккендердің жағдайы туралы мәлімет белгілі болған еді.
