پەتروپاۆل قالاسىنداعى جاراتىلىستانۋ-ماتەماتيكالىق باعىتتاعى نازارباەۆ زياتكەرلىك مەكتەبىنىڭ وقۋشىسى تەرەزەدەن قۇلاپ، اۋىر جاراقات الدى. اقپاراتتى سقو پوليتسيا دەپارتامەنتىنىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
قازىرگى تاڭدا قۇقىق قورعاۋ ورگاندارى تەرگەۋ شارالارىن جۇرگىزىپ جاتىر. ءىس قىلمىستىق كودەكستىڭ 105-بابى – ء«وزىن-ءوزى ولتىرۋگە دەيىن جەتكىزۋ» بويىنشا تەرگەلۋدە.
«وقيعانىڭ بارلىق ءمان-جايىن جان-جاقتى زەرتتەۋگە باعىتتالعان تەرگەۋ ارەكەتتەرى جۇرگىزىلىپ جاتىر. ناتيجەسىندە تۇپكىلىكتى پروتسەسسۋالدىق شەشىم قابىلدانادى»، – دەپ مالىمدەدى دەپارتامەنت وكىلدەرى.
وقيعا 17 اقپاندا بولعان. وقۋشى ءۇشىنشى قاباتتىڭ تەرەزەسىنەن قۇلاپ كەتكەن، دارىگەرلەر ونىڭ جاعدايىن اۋىر، بىراق تۇراقتى دەپ باعالاپ وتىر.
ۇقساس جاڭالىقتار
