الماتىدا ەكى مەترو ستانساسىنىڭ اتاۋى وزگەرتىلۋى مۇمكىن

3351
Adyrna.kz Telegram

الماتىدا سالىنىپ جاتقان ەكى مەترو ستانساسىنىڭ اتاۋىن وزگەرتۋدى ۇسىندى، دەپ حابارلايدى"ادىرنا" ءتىلشىسى.

قالا كۇنى قارساڭىندا ماسليحاتقا قوعامدا تالقىلانىپ جاتقان ماسەلەلەردى شەشۋدى ۇسىندىم. بۇل الماتى مەتروپوليتەنىندە سالىنىپ جاتقان ەكى ستانسانىڭ اتاۋىن وزگەرتۋگە قاتىستى.
«دوستىق» ستانساسىنا باۋىرجان مومىشۇلىنىڭ ەسىمىن بەرۋ ۇسىنىلادى. بولاشاقتا «زاپادنىي» اۆتوۆوكزالى اتالۋى ءتيىس ستانساعا «قاراساي» اتاۋى ۇسىنىلماق، دەپ جازدى قالا اكىمى Facebook -تەگى پاراقشاسىندا.

«دوستىق» بەكەتى اباي داڭعىلى مەن مومىشۇلى كوشەسىنىڭ قيىلىسىندا سالىنۋدا. ونىڭ تەحنيكالىق ىسكە قوسىلۋى 2021 جىلدىڭ سوڭىنا جوسپارلانعان.

«زاپادنىي» اۆتوۆوكزالى الماتى وبلىسى قاراساي اۋدانىنىڭ شەكاراسىندا سالىنادى.

تامىز ايىندا قالا اكىمدىگى سالىنىپ جاتقان ەكى بەكەتتىڭ دايىندىعى 80 پايىزدى قۇراعانىن حابارلادى. سودان كەيىن ساعىنتاەۆ مەترو قۇرىلىسىنىڭ بەلگىلەنگەن مەرزىمدەرىنىڭ ساقتالۋىنا باقىلاۋدى كۇشەيتۋدى تاپسىردى جانە قوسىمشا جۇمىس كۇشىن جۇمىلدىرۋ قاجەتتىگىنە نازار اۋداردى.

"ادىرنا" ۇلتتىق پورتالى

پىكىرلەر