Nazarbaev zamanynda júıeniń qyryna iligip japa shegip, shetel asqan qazaqtar kóp.
Eger Toqaevtyń tusy ras jylymyq zaman bolatyn bolsa, endi olar elge oralyp zańdy turǵyda eldegi qoǵamdyq jumystarǵa aralasyp, keshegi Toqaev aıtqan keleshek jańa partııalardy quryp nemese jańa uıymdar quramyna kirip zań aıasynda óz belsendilikterin jalǵastyrýy kerek. Olar da Qazaqstan azamattary, bul olardyń quqy.
Ardak Ashim, Botagóz Isa, Qýat Ahmetov, Ermek Narymbaı taǵy basqa eski júıe tártibine kónbegen biraz ultshyl azamattar shetelde júr.Kezinde olarǵa nebir jala jabyldy, qýǵyn - súrgin kórdi.
Shyn máninde bu kisiler naǵyz patrıottar edi. Bular óz ustanymdary úshin japa shekti.Al bulardy sol kezde qýǵyndaǵan ákim qaralardyń keshe bir kúnde beıshara bop qalǵanyn da kórdik.
Toqaev ókimeti bul kisilerge raqymshylyq jarııalap, olardyń otanǵa oralýyna sebep bolyp jatsa, jańa bıliktiń halyq aldynda abyroıy artpasa, odan utylmaıdy dep oılaımyn.
Pálen jyl syrtta júrgen belsendilerimiz de elmen qaýyshar edi.
Sonsha jasqa kelip shetelge ketýge májbúr bolǵan olarǵa syrtta ońaı emes ekenin bilemiz, olar keıbireýler sııaqty ol jaqqa qara bastaryn kúıttep ketken joq edi jalpy.
Olar kezinde elde bolyp jatqan ádiletsizdikke shydamaı, júıege ıa bolmasa olardyń artynda turǵan otarshyldarǵa qarsy shyǵyp, Altaı men Atyraý arasynda dalıyp jatqan keń dalasynan ózderine bir burysh taba almaı alty qyr asyp ketti.
Bulardyń sonsha jyl shetelde júrse de, eki kózderi tórt bolyp Qazaqstanǵa telmirip otyrǵanyn da kórip otyrmyz.
Al ishterinde elge degen zor saǵynysh, muń, ár alýan sezim jatqanyn ańǵarý qıyn emes.
Qazaq jalpy elge, jerge, týǵan topyraqqa adal halyq, zaty sondaı.
Qazir bul kisilermen syıysa almaǵan shaldyń kózi taıdy, al el jańa ózgeristerge bet alǵandaı...
Endi patrıottar elge oralýy kerek.
