Barlyq şyndyq aşyq aitylyp, kınälıler jazalanuy tiıs! - Qazybek İsa

BASTY MAQSAT - MEMLEKETTI SAQTAP QALU BOLDY! - OLİGARHTAR ZAŊSYZ İELENGEN QARJYLARYN MEMLEKETKE QAITARUY QAJET - QAZYNAǦA BAI, KENGE TOLY ELDE KEDEILER BOLMAUY TİIS! - ŪLTTYQ KONSEPSİIа QABYLDAITYN UAQYT JETTI! - EL KÖŞEGE PŪL ÜŞIN ǦANA EMES, TIL ÜŞIN DE ŞYQTY… - QASIRET QAITALANBAUY ÜŞIN ŪLTTYQ KELISIM JASALUY KEREK 1.Jaŋa kezeŋ bastauy bolǧan Jaŋaözen ereuılıne Prezidenttıŋ ükımet komissiiasyn jıberıp, ereuılşılerdıŋ talabyn oryndatuy - 30 jyldyq Täuelsızdıgımızdegı bilıktıŋ halyqqa jasaǧan alǧaşqy qadamy. Būdan 10 jyl būryn Jaŋaözende ereuıl bolǧanda ne bolǧany bärımızge belgılı. Bız de, «Aqjoldyqtar», Jaŋaözende ereuıl bastalǧanda bırden 3 qaŋtarda “Jaŋaözendıkter talaby oryndaluy tiıs” dep, arnaiy maqala jazdyq, al 4 qaŋtarda fraksiia jiynyn ötkızdık. 2.Qaŋtardaǧy qasıret - elımız boiynşa beibıt şeruşılerdıŋ mitingısın memlekettık töŋkerıs jasauşylar öz maqsattaryna paidalanyp ketıp, qandy bülıkke jalǧasuy. Eŋ auyry, qaza tapqandar ışınde el qamy üşın ereuılge şyqqandar da, tıptı, beibıt tūrǧyndar da kettı. Taǧy da barlyǧynyŋ otbasyna köŋıl aitamyz, imandary salamat bolsyn. Būlardyŋ bärın şeitter dep qabyldau kerek. Bärınıŋ aty jönı Täuelsızdıktı qorǧauda qūrban bolǧandar retınde jariialanuy tiıs. Prezident te sondyqtan 10-şy qaŋtardy qaraly kün dep jariialap, elımız boiynşa aza tūtu künı boldy. 13-ınşı qaŋtar künı qaza tapqandardyŋ qyryq kündıgıne memleket basşysynan bastap, jūrt meşıtterge baryp, qūran baǧyştady. 3.Qazır äleumettık jelılerde “Ereuılde terrorister de, sodyrlar da bolǧan joq” degen, “prezident ne aitsa da, şyn sözın joqqa şyǧaru” sindromy jürıp jatqanyn da baiqaimyz. Būndai “laŋkester de, sodyrlar da bolǧan joq” dep soǧyp otyrǧandar būl jauapsyz sözderınıŋ beibıt ereuılşılerge jabylǧan jala ekenın oilanuy tiıs. Sodyrlar joq bolsa, laŋkester joq bolsa, onda 19 polisei men sarbazdy kım öltırdı, ekı poliseidıŋ basyn kesıp alǧandar kımder? Öz jūmysymen ketıp bara jatqan jetkınşektı, jastarymyzdy kım öltırdı, beibıt ereuılşıler me? Äkımdık pen memlekettık organdardy örtep, şabuyl jasaǧanda baqylau kameralaryn atyp tüsırgen snaiperler beibıt şeruşılerge de oq jūmsaǧany turaly aqparattar da jür. Būlardyŋ bärı ŪQŞŪ äskerı elge kırmei tūryp bolǧan oqiǧalar. Qylmys jasaǧan laŋkester men sodyrlar bola ma, joq, poliseiler men äskerler bola ma, barlyǧy anyqtalyp, jazaǧa tartyluy tiıs. Sol asüiınen şyqpai-aq, divanda jatyp alyp jazyp jatqandar polisiiada qyzmet etıp jürgen nemese äskerde el qorǧap jürgen ūldaryn sodyrlar öltırıp ketken, bozdaǧyn joqtap bozdap otyrǧan äke-şeşege baryp, “eşqandai sodyrlar joq, laŋkester joq” dep aityp körsınşı, ne bolady, ne estidı eken sonda?!. Laŋkester men sodyrlar degen bır jaqtan arnaiy ıssaparmen keletın, sodyr ne laŋkes degen anyqtama kuälıgı bar qylmyskerler ǧana emes, osy elımızde, ışımızde jürgender de adam öltırse, memlekettık ǧimarattardy örtese, olar da laŋkester men sodyrlar. Kım bolsa da, laŋkestık pen sodyrlyq jasasa, solar sodyrlar men laŋkester bolady. 4.Jazyqsyz jandardy atyp, arandatuşylyq jasaǧan küşterdıŋ şabuylynan qazırgı olardyŋ internettegı ırıtkı salyp, arandatulyq şabuyldary da eşbır kem soǧyp jatqan joq. Soǧan qaraǧanda, «Ötırıktı qanşalyqty köbırek qossaŋ, sonşalyqty senımdı bolady» degen ūstanymdy ūstanǧan siiaqty olar. Olar özderıŋıŋ şabuylynan qaza tapqandardy endı memleketke qarsy internettık gibridtık şabuyldarynyŋ nysanasy retınde de paidalanyp jatyr. Iаǧni, polisiiamen, äskermen qaqtyǧysta qalqan retınde, arandatu üşın paidalanǧan qarapaiym qūrbandardyŋ endı äruaqtaryn şulatyp, olardy taǧy da internettık şabuyldarynyŋ qūralyna ainaldyruda. Al mūny bılmegen, alaşapqyn attanǧa qosylǧan aŋqau jūrt arandatuşylardyŋ qarmaǧyn qauyp, şottaryn şauyp jatqanyn aŋǧaratyn emes. Keibır qarapaiym jūrttyŋ eşnärsege közı jetpese de, özgenıŋ jalasyna senıp, qoldau jasaǧan är laiktary, är aiyptau sözderı arandatuşy küşterdıŋ atqan oqtaryna ainalyp jatqanyn aŋǧarmauda. Būl turaly prezident te “memlekettık töŋkerıs jasauǧa ūmtylǧandar ideologiialyq diversiiany jaqsy meŋgergen” dep atap aitty. İdeologiialyq diversiia internette älı jürıp jatyr. “Memleketke satqyndyq jasady” degenderı de jalǧan, laŋkestık pen sodyrlyqtar da jalǧan, äitpese, olardyŋ üstınen qozǧalǧan qylmystyq ıster qaida?”- degenderge keşe Prezident qabyldaǧan Bas prokuror jauap berdı. -15 ıs Memleketke opasyzdyq jasau, ökılettıkterdı asyra paidalanu jäne bilıktı basyp aluǧa äreket etu boiynşa Ūlttyq qauıpsızdık komitetınıŋ qarauynda jatyr. -179 ıs arnauly prokurorlardyŋ basşylyǧymen vedomstvoaralyq tergeu toby jappai tärtıpsızdıkter men terrorizm aktılerı boiynşa tekserude. Al “jazyqsyz jandardy tūtqyndap, azaptaǧandar qataŋ jazaǧa tartyluy tiıs” degendı 8 qaŋtarda «Qazaqstan» ūlttyq arnasynyŋ “Aşyq alaŋ” habarynan bastap aşyq aittyq. Sol kezde “Qazaq ünı” ūlttyq portalynda bırneşe ret maqala da jazdyq. Belgılı telejurnalist Nartai Aralbaiūlynyŋ iutub arnasy men “Atameken biznes tv” telearnasyndaǧy sūqbatymyzda da jazyqsyz tūtqyndalǧandardy bosatudy kınälılerdı jauapqa tartudy talap ettık. Belgılı advokat Abzal Qūspan bastaǧan “Amanat komissiiasy 100-ge juyq tūtqyndy türmeden şyǧardy. Endı, mıne, 173 ıs - qūqyq qorǧau organdary qyzmetkerlerınıŋ adam qūqyǧyn qorǧau emes, qorlauy boiynşa, iaǧni, lauazymdyq ökılettıkterın asyra paidalanǧany turaly azamattardyŋ şaǧymdary boiynşa jürgızude. Bas prokuratura men qūqyq qorǧau organdary qoldarynda bar dälelderdı, beine-foto materialdardy tügel jariialauy tiıs. El barlyq şyndyqty öz közımen köruı kerek. Äitpese, būl aqparattyq keŋıstıktı türlı kümändı beine-fotolar men feik-postar toltyruda. Sondyqtan da, äleumettık jelıler men aqparattyq alaŋda memlekettık organdar men resmi aqparat qūraldarynyŋ emes... olardyŋ sözı ötımdı bolyp tūr... ŪLTTYQ QAUIPSIZDIK KOMİTETI - ŪLTQA QAUIPTI KOMİTETKE AINALDY 5. Al osy syrttan kelgen, barlyq daiyndyqtan ötken qaptaǧan laŋkester men sodyrlar elımızge qalai kırgen? Elımızde memleketke qarsy töŋkerıs ūiymdastyryluyna bızdıŋ arnauly organdar nege jol bergen? Būl turaly memleket basşysy ündeuınde aşyq aityp, qatal synady. İä, Ūlttyq qauıpsızdık komitetı qaida qaraǧan, aiǧa qaraǧan ba? Ūlttyq qauıpsızdık organy ūltqa qauıptı laŋkesterge  tosqauyl qoiudyŋ ornyna ūlttyŋ qamyn oilaǧan ūltşyldardyŋ soŋyna tüsıp alyp, Täuelsızdık ırgesı şaiqalmauy üşın separatistermen küresken Marǧūlan Boranbai sekıldı marǧasqalardy tūtqyndaudan basqa ne ıstegen sonda?!. Bız, “Aq jol” partiiasy talai jyldan berı Dın turaly zaŋǧa radikaldy terıs aǧymdarǧa tosqauyl qoiu turaly bap engızu jaily ūsynys jasap kelemız. Bıraz jyl būryn būl mäselenı bilık te qolǧa alyp, barlyq ministrlık pen vedomostvolar, Bas prokuratura men Joǧary sot ta qoldaǧanda, tek Ūlttyq Qauıpsızdık komitetı kelıspei qoiyp, osy tyiym salu zaŋǧa enbei qaldy. Men mūny sol kezde Ūlttyq Qauıpsızdık komitetı Almaty qalalyq departamentı töraǧasynyŋ orynbasary ötkızgen Almaty qalasy äkımdıgındegı konferensiiada aşyq aitqanmyn. Sol kezde bız “Qazaq ünı” gazetı men ūlttyq portalynda : “ŪLTTYQ QAUIPSIZDIK KOMİTETI - ŪLTQA QAUIPTI KOMİTET PE?!.” atty maqala da jariialaǧan edık. Endı sol küdıgımız rasqa ainaldy. Qazaqstan Respublikasy Terrorizmge qarsy ortalyǧynyŋ mälımetı boiynşa, 2019 jyldyŋ aiaǧynda Qazaqstanda 20 myŋnan astam destruktivtı dıni ideologiiany ūstanuşylar ömır sürgenın esten şyǧarmaiyq. Al şyn mänınde būl san äldeneşe ese köp ekenı belgılı. 6. Qaŋtar qasıretınde Prezidenttıŋ barlyq jauapkerşılıktı özı köteruı memlekettı saqtap qaldy. Eger prezident osylai memleket basşysy retınde barlyq auyr jauapkerşılıktı öz moinyna alyp, ötkır şeşımder qabyldamasa, “Prezident nege qareketsız otyr” der edık bärımız. Mysaly, qazır prezidenttı synap jatqandardyŋ köbısı elımız boiynşa ereuıl jappai bülıkke jalǧasyp, adamdar qaza tauyp jatqanda, “Prezident nege bır batyl şeşım qabyldamai, qarap otyr”-dep synaǧandar. Memlekettı saqtap qalu üşın mūndai auyr jauapkerşılıktı öz moinyna alu - öte auyr şeşım, prezident te adam bolǧan soŋ, asa qiyn jaǧdai! Öitkenı, mūndai jaǧdai, memlekettık töŋkerıs qazaq tarihynda, berısı bız bıletın keiıngı jüz jyldyqta bırınşı ret bolyp otyr. Sondyqtan, būl jerde memlekettı saqtau jolynda memleket basşysynyŋ özı de qūrbandyqqa baryp otyr deuge bolady. Sondyqtan da, “El jolyndaǧy auyr jüktı er köteredı” degendei, “Memleketımızdı, qasiettı Täuelsızdıgımızdı saqtap qalǧan prezidenttıŋ erlıgı” dep, jazyp jatty qoǧam belsendılerı men qarapaiym azamattar da. Tıptı, prezidenttıŋ opponentterı derlık belgılı tūlǧalardyŋ özderı memleket basşysynyŋ memlekettı saqtap qaludaǧy qairat-jıgerın qoldap, ündeu jasady. 7. Kez kelgen memlekettık töŋkerıs qūrbandyqsyz bolmaidy, 227 adamnyŋ qaza tapqany orny tolmas auyr qaiǧy! Al prezident bar jauapkerşılıktı öz moinyna almaǧanda qazır soǧys älı jürıp jatuy, qūrbandar sany odan ondaǧan ese köbeiıp ketuı de mümkın edı. Tıptı, Memlekettıgımız saqtalyp qaluy da neǧaibyl bolar edı… Prezident ärısı Memlekettı, berısı eldı azamat soǧysynan saqtap qaldy. Ondai jaǧdaida, elde anarhiialyq jaǧdai ornap, azamat soǧysy bastalyp ketkende prezidenttıŋ özı şaqyrǧan Ūjymdyq qauıpsızdık şartyna müşe elder äskerlerı bızdıŋ şaqyruymyzsyz-aq elge kıruı mümkın edı. Jan-jaǧymyzdaǧy bolsyn, alystaǧy bolsyn alpauyt memleketter de äsker kırgızuı mümkın edı. Al şaqyrusyz, öz müddelerı üşın özderı kırgen jat el äskerı qaityp şyǧuy qiyn ekenı tarihtan belgılı. Qazır keibıreuler aityp jürgendei, ŪQŞŪ ūiymy äskerlerın şaqyru qatelık emes, mäjbürlıkten boldy. Prezident qalai ŪQŞŪ äskerlerın şaqyrmaidy, eger özımızdıŋ Ūlttyq qauıpsız komitetı Ūltqa qauıptı komitet bolyp şyǧyp, memleketke satqyndyq jasasa? Qorǧanys ministrlıgı qorǧanysyn körsete almasa? Al ŪQŞŪ ūiymy elderı qaruly şabuylǧa qatysqan joq, strategiialyq nysandardy küzettı jäne tehnologiialyq-bailanystyq qyzmet körsettı. Öitkenı 6 elden qūralǧan äskerdıŋ öz memleketterı olardyŋ atysqa aralasuyna rūqsat bermedı. Mysaly, Qyrǧyz Respublikasy parlamentı tek ekınşı otyrysynda ǧana äskerın Qazaqstanǧa jıberuge kelısım berdı. Prezidentte taŋdaityn jol da bolǧan joq! Tarazyda tek memlekettı saqtap qalu ǧana tūrdy! Būl prezidenttıŋ qatal da bolsa, batyl şeşımı - eldı töŋkerıs pen azamat soǧysyna ūryndyrmai, memlekettı saqtap qalǧan mäjbürlı jalǧyz jol. Endı, el bolamyz desek, äleumettık jelıler men iutub arnalarynda bilıkke täuelsız bolyp kelgen, tıptı bilıktıŋ tūraqty synauşylaryna ainalǧan belgılı qoǧam qairatkerlerı de aşyq jazyp jatqandai, Memlekettı saqtap qaluymyz üşın, memleket basşysyn qoldauymyz kerek. Al sodyrlardy emes, beibıt azamattardy atyp, arandatuşylyq jasaǧan poliseiler men äskerler anyqtalyp, qataŋ jazalaryn aluy tiıs! 8. QR Prezidentı Qasym-Jomart Toqaevtyŋ osy qaŋtar qasıretınen keiıngı taǧy bır qairatty qadamy - ekonomikamyzda jariialylyqty jariialauy boldy. Elımızdıŋ bar bailyǧynyŋ jartysynan astamyn 55 paiyzyn 162 adam ǧana ielenıp alǧanyn alǧaş ret aşyq mälımdedı. Al qalǧan 19 milionnan astam bükıl halyqtyŋ jartysynan astamy kedei ekenı, bır millionnan astam adamnyŋ jaǧdaiy kedeilık şegınen de tömen ekenı alǧaş ret aşyq aityldy. Parlamentte “Aq jol” fraksiiasy 10 jyldan berı köterıp kele jatqan şetelderdegı ofşorlyq aimaqtarǧa ketken 160 mlrd dollardy qaitaru mäselesı prezidenttıŋ tapsyrmasymen qolǧa alynuda. İä, sybailas jemqorlyq arqyly, sonyŋ ışınde köptegen offşorlyq kompaniialardan alynǧan kapitaldy qaitaru prosedurasyn belsendı türde bastau qajet. Biyl 2 aqpanda «Aq jol» demokratiialyq partiiasynyŋ ökılderı qaŋtardaǧy qaiǧyly oqiǧa kezınde Qazaqstannan şet elderge ırı kölemde qarjy audarylǧany turaly aqparatty talap ettı. Jylyna 6 milliard dollarǧa juyq halyq qarjysyn jymqyryp otyrǧan “Qorǧas” kedenınıŋ qojaiyndary tergelude. Utilsbor tölemderı toqtatylyp, qazır qaita qaraluda. Zaŋsyz, salyqsyz ömır sürıp kelgen “Altyn orda” bazary jabyluda. “Ekınşı ükımet” rölın atqaryp otyrǧan, el qazynasyn köbeituge üles qosady degen, bıraq qazynany azaityp jatqan “Samūryq-Qazyna” qoryna reforma jasalmaq. Prezident Q.Toqaev tıptı, «reformalauǧa kelmese, jauyp tastau kerek» dep te kesıp aitty. Keibır aqparat qūraldarynyŋ jazuynşa, «Samūryq-Qazyna» qazynamyzdy toltyrmaq tügılı, memleketke 18 mlrd dollar qaryz... OLİGARHTAR ZAŊSYZ İELENGEN QARJYLARYN MEMLEKETKE QAITARUY QAJET 9. Äleumettık jaǧdaiy tömenderge arnalǧan “Qazaqstan halqyna” qoryna bailardan 100-degen mlrd qarjy tüsude. Būl negızı, el qazynasyn otyz jyl boiy opyryp otyrǧan oligarhtardan Otanǧa kömektesu arqyly qarpyǧan qarjylaryn zaŋdy jolmen qaitaru bolsa kerek. Negızı, oligarhtardan qaiyr tılegendei sūrap otyrǧanşa, Mendeleev kestesınıŋ bärı tabylatyn qazaq jerınıŋ qazba bailyǧyn, kenen kenışın türlı qūityrqy zaŋsyz joldarmen qolǧa tüsırıp baiyǧandardan sol bailyqtyŋ, kemınde 80 paiyzyn, al qazba bailyq oryndaryn tügel qazynaǧa qaitarudy qataŋ talap etu kerek! Öitkenı, ol qazba bailyqtar olardyŋ da, eşkımnıŋ de ata-babasynan qalǧan mūra emes, Qūdai bergen qalyŋ Qazaqtyŋ bailyǧy! Oligarhtardan ūrlanǧan el bailyǧyn qaitaru älemdık täjıribede bar. Bärı zaŋdy, däleldı bolǧan jaǧdaida oǧan eşqandai kedergı bolmaidy. Būl turaly bügın Parlament Mäjılısınde Sybailas jemqorlyqqa qarsy ıs-qimyl mäselerı boiynşa özgerıster men tolyqtyrular engızu turaly zaŋ jobasynyŋ bırınşı oqylymda qabyldanuynda baiandama jasaǧan QR Sybailas jemqorlyqqa qarsy ıs-qimyl agenttıgınıŋ töraǧasy Marat Ahmetjanov ta deputattar sūraqtaryna bailanysty tolyqqandy jauap berdı. Mysaly, «Qazaq ünı» ūlttyq portalynda jazylǧandai, Saud Arabiiasynda qazynadan ūrlanǧan qarjyny tügel qaitarǧanşa, hanzadalar men milliarderler bırneşe ai üiqamaqta (qonaqüilerde) otyrǧan... Nätijesınde, memleketke 100 milliard dollardan asa qarjy qaitarylǧan. Al Qazaqstannyŋ ūrlanǧan qarjylarynyŋ kölemı Saud Arabiiasynyŋ «saudasyn» ondaǧan ese orap keterı anyq! Qaŋtardaǧy ereuılge auyl jastary köp qatysty. Ömır boiy auylda tūrsa da, alaqandai da jer ala almai, jūmyssyz qalǧandar. Sondyqtan, kezınde auylda tūrmai-aq alapat auqymdaǧy jer kölemın ielenıp alǧan ırı latifundister jerınıŋ 80 paiyzyn jūmyssyz auyl tūrǧyndaryna, şarualar men fermerlerge qaitarymsyz beruı tiıs. QAZYNAǦA BAI, KENGE TOLY ELDE KEDEILER BOLMAUY TİIS! 10. Toqaev otyz jyldyq qoǧamdyq-saiasi jüienıŋ, ekonomikamyzdyŋ nege damymai otyrǧanynyŋ, tamyrymyzdy kemırıp, jegı qūrttai jep jatqan jemqorlyqtyŋ süiekke sıŋıp ketken qauıptı auruynyŋ diagnozyn däl qoiyp, tura tapty jäne ony elge aşyq jariialady. Endı ol aurudy tübırımen emdeu kerek! Emge könbeitın keseldı kesıp alyp tastau kerek! Jalpy saiasi jüienı özgertıp, äleumettık-ekonomikalyq ädılettılık ornauy tiıs! Sybailas jemqorlyqty tüp-tamyrymen joiu kerek! Sonda ǧana halyq bilıkke senedı. Qazaqstanda bai men kedeidıŋ arasy älemde qalyptasqan ölşemnen onşaqty ese asyp kettı. “Aq joldyŋ” saiasi baǧdarlamasynda aiqyn jazylǧandai, Qazaqstandai qazynaǧa bai, kenge toly elde kedeiler bolmauy tiıs! ŪLTTYQ KONSEPSİIа QABYLDAITYN UAQYT JETTI! EL KÖŞEGE PŪL ÜŞIN ǦANA EMES, TIL ÜŞIN DE ŞYQTY… 11. Qaŋtardyŋ qandy qyrǧynynda köşege şyqqan jastardyŋ köbısı eşnärse joǧaltpaityndar edı. Öitkenı olardyŋ qolynda eşnärse bolǧan joq. Basynda baspana joq, «ekı qolǧa –bır kürek» jūmys joq. Jūmys joq bolǧasyn köretın kün joq. Öitkenı, tauyp jatqan pūl joq. Aryzyn aityp barsa, memlekettık mekemelerde Qazaqşa tıl joq! Osylai otyz jyl boiy jalǧan uädege toiyp, bulyǧyp jürgen jastardyŋ jarylysyn, zaŋdy şeruın bülıkşılerdıŋ qandy şeruge ainaldyryp jıbergenı ökınıştı, orny tolmas qasıret! Endı halqy resmi sanaqtyŋ özınde 70 paiyzdan asqan, negızı 80 paiyzǧa juyq boluy kerek, memleket qūrauşy qazaqtardyŋ talabyn oryndau üşın, bırtūtas ūlt retınde Ūlttyq konsepsiia qabyldaityn uaqyt jettı. Eŋ aldymen elımızdegı eŋ basty mäsele - 30 jyl boiy qabyldanbai kelgen Memlekettık tıl turaly zaŋ qabyldanuy qajet! Bır tıl bolǧanda ǧana bır el, bırtūtas qoǧam ornaidy! Tılı bırdıŋ - tılegı bır, müddesı -ortaq bolady! QASIRET QAITALANBAUY ÜŞIN ŪLTTYQ KELISIM JASALUY KEREK 12. Qandai el bolsyn, älemdık keŋıstıkten tys ömır süru qiyn ekendıgı belgılı. Sondyqtan, elımızge būrynǧy jaily investorlyq klimatty qaitaru üşın jäne būl qandy bülıktıŋ qaitalanbauy üşın Ūlttyq kelısım qajet. Barlyq zaŋsyz qamauǧa alynǧan demonstranttardy bosatyp, qaiǧyly oqiǧalardy obektivtı türde tergeudı, memlekettık töŋkerıstıŋ basşylary men qosşylaryn, oryndauşylardy, qoldary qan sodyrlardy, qaraqşylardy jäne t.b. tūtqyndap, qataŋ jazalanuy qajet. Būl turaly parlamentte «Aq jol» fraksiiasy ekı ret deputattyq saual jasady. Parlamenttık tyŋdau ötkızudı ūsyndy. Būl ūsynysymyzdy bügın Sybailas jemqorlyqqa qarsy ıs-qimyl agenttıgınıŋ töraǧasy Marat Ahmetjanov ta qoldady. Endı tütını tüzu şyǧatyn el retınde ükımet pen barlyq qoǧam, elita bırlesıp, Ūlttyq kelısım jasalmasa, osyndai bülık şyǧaru sozyla beredı. Joǧaryda aitylǧan oligarhtar qarjysyn memleketke qaitaruy jäne latifundisterdıŋ jer telımderın auyldaǧy jersız, jūmyssyz şarualarǧa beruı turaly mäsele osy Ūlttyq kelısım aiasynda zaŋdy qūjatpen jasaluy tiıs. Ūlttyq kelısımge kelude Ūlttyŋ ziialy qauymy ünsız qalmauy kerek. Mūnda Azamattyq qoǧamnyŋ pozisiiasy ülken röl atqarady. Kezınde soǧystan keiın Japoniia men Germaniia osyndai Ūlttyq kelısımge kelıp, Ūlttyq ideiany ūstanyp, bırtūtas qoǧamǧa ainaluynyŋ arqasynda älemde myqty elderge ainaldy. Kınälılerı halyqtan keşırım sūrap, täubege keldı. Bızde de sondai Ruhani tazaru, arylu qadamy bastaluy qajet. Barlyq şyndyq aşyq aityluy tiıs! Kınälıler qataŋ jazalanuy kerek! Sonda ǧana el senedı. Äitpese , būndai būlǧaq jalǧasa beredı. El aman, jūrt tynyş bolsyn! Alla Alaşqa jar bolsyn! Aq jol!

Qazybek İSA,

"Adyrna" ūlttyq portaly