Almaty áýejaıynda sheteldikter jalǵan pasportpen ustaldy. Olar Qazaqstan arqyly ótý úshin 10 myń dollarǵa jalǵan pasport satyp alǵan. Bul týraly Ulttyq Qaýipsizdik komıteti jarııalady, dep habarlaıdy “Adyrna”.
“6 sáýir kúni Almaty qalasynyń áýejaıynda pasporttyq baqylaýdan ótý kezinde jalǵan qujattar usynǵan Ortalyq Azııa elderiniń 4 azamaty ustaldy", - delingen UQK baspasóz qyzmetiniń habarlamasynda.
Júkterin tekserý kezinde olardyń shyn pasporttary tabyldy.
Aldyn ala derek boıynsha, olar jalǵan qujattardy Qazaqstan Respýblıkasy arqyly tranzıtpen ótý úshin satyp alǵan. Bir jalǵan tólqujattyń quny 10 myń AQSh dollarǵa baǵalanǵan.
Jalǵan qujattar tárkilendi. Olardy elden deportaııalaý máselesi sheshilip jatyr.
“Adyrna” ulttyq portaly
