Prezidenttıŋ bas hatşysy Berık Uäli Jambyl oblysynyŋ eks äkımı Berdıbek Saparbaevtyŋ qyzmetınen ketuıne qatysty pıkır qaldyrdy, dep habarlaidy "Adyrna". Būl turaly ol özınıŋ Facebook jelısınde jazdy.
Berdıbek Saparbaevty Täuelsız Qazaqstannyŋ qūryluy men qalyptasu kezeŋınen bastap, elımızdıŋ bügıngı damu belesıne deiın sübelı üles qosqan memleket jäne qoǧam qairatkerı dep esepteimın.
Ekı Prezident, 11 Premer-ministrmen qoian-qoltyq eŋbek etıptı. Sol Ükımet basşylarynyŋ ekeuıne orynbasar bolǧan eken. Al endı 5 oblysqa äkım bolǧany – tek Saparbaevqa ǧana tän fakt.
Sondyqtan sanaly ǧūmyryn memleket pen qoǧamnyŋ damuyna arnaǧan Berdıbek Mäşbekūly siiaqty azamatqa qūrmetım joǧary. Qalai desek te otandyq memlekettık qyzmet salasynda “Saparbaev menedjmentı” qalyptasty dep esepteimın, dep jazdy ol.
Ūqsas jaŋalyqtar
