Osydan bıraz uaqyt būryn, iaǧni 7 aqpan 2022 jyly menıŋ feisbukke salǧan jer dauy boiynşa maqalamdy oqyp, Qazyǧūrt audanynyŋ äkımı Arman Abdullaev şūǧyl Altyntöbe auyly okrugınıŋ halqymen jinalys ötkızuge keldı. Men jerdıŋ talap aryz qūjattaryn sotqa ötkızu jūmystarymen būl jinalysqa jarty saǧatqa keşıgıp keldım. Men jinalysqa jetkenşe bıraz äŋgıme aitylyp qalǧan eken. Onyŋ bärın beinejazbalardan qarap şyqtym.
Beinejazbalardaǧy negızgı fragmentterge qarasaq, Arekeŋnıŋ sözı bylai:
1. Men sızderge qazırgı "Bız sızderge Jer Kodeksıne säikes jerdı bere almaimyz" dep otyr. Ony mynau beinejazbadan qaraŋyzdar. Arekeŋnıŋ aituy boiynşa 30 jyl boiy özınıŋ jer ülesın ala almaǧan, qūqy taptalǧan halyqqa QR Jer kodeksındegı zaŋ normalary boiynşa jerı berılmeidı. Zaŋ normalaryna süienıp, halyqqa özınıŋ jer ülesı berılmese, onda būl zaŋsyz berıledı. Baiaǧy yrdu-dyrdu qaita jalǧasyn tabady degen söz.
2. Arman Abdullaev myrza Ükımettıŋ qaulysyn şyǧaryp, jerdı ülestıremız dep otyr. Osy uaqytqa deiın ükımettıŋ pälenbai qaulysy şyǧyp, bızdıŋ jerımız ärkımnıŋ menşıgıne ötıp, qūqymyz taptalǧan küiı qalǧan. Jerdı bır bırıne sıltep laqtyrǧan ükımettık ūiymdardyŋ barlyq qaulysy men jalǧan qūjattary bızdıŋ qolymyzda tūr. Sondyqtan bız ükımettıŋ qaulysy degen düniege eşqaşan da senbeimız.
3. Arman Abdullaev qazırgı Jer Kodeksındegı baptarda jerdı ülestırıp beru qarastyrylmaǧan dep taǧy da aityp otyr. Arman myrza osydan bıraz uaqyt būryn (şamasy 8-9 ai būryn) halyqpen kezdesuınde (beinejazbalary saqtalyp tūr) QR Jer Kodeksındegı 103-bap Altyntöbe auyly okrugıne qarastyrylmaǧan dep ketken. Sony taǧy da qaitalap otyr. Demek, audan äkımınıŋ paiymynşa, Altyntöbe auyly okrugınıŋ jerlerı Qazaqstannyŋ territoriiasyna kırmeidı degen söz. Mümkın, Özbekstanda şyǧar, mümkın Türkımenstanda şyǧar. Ony zaŋ boiynşa anyqtaimyz.
Al QR Jer Kodeksındegı 103-babynyŋ 1-bölıgınde: "1. Jekeşelendiriletin memlekettik auyl şaruaşylyǧy ūiymdary qyzmetkerleriniŋ, sondai-aq zeinetkerler men osy ūiymdardyŋ öndiristik jäne äleumettik-mädeni qyzmet körsetu salalarynda isteitin jäne olardyŋ aumaǧynda tūratyn adamdardyŋ şartty jer ülesine qūqyǧy bar"-dep, taiǧa taŋba basqandai etıp körsetılıp tūr. Zaŋ bylai dese, äkım bylai deidı.
Däl osy fragmentter aitylyp jatqan kezde men audandyq sotqa talap aryz ötkızıp kele jatqan edım. Men kelıp, qatysqannan keiın mynadai mätındegı sözderdı audan äkımınıŋ auzynan estımedım.
Qazyǧūrt audanynyŋ äkımı Arman Abdullaevtyŋ aityp otyrǧan sözın tömendegı beinejazbalardan qarap şyǧyŋyzdar.
QR Konstitusilyq zaŋdarynda jer daulary tek qana, tek qana, tek qana, tek qana, tek qana, tek qana, tek qana sot arqyly ǧana şeşıledı. Būl jaiynda QR Jer Kodeksınde 15 jerde zaŋ normalarymen sılteme keltırılgen.
Qazyǧūrt audandyq soty qazır bızdıŋ üşınşı talap aryzymyzdy qaitaryp tastady. Oblysqa apelliasiialyq şaǧymdardy joldap otyrmyz.
Bız 30 jyl boiy qūqy taptalǧan halyqtyŋ konstitusiialyq qūqyn retke keltıru jolynda, halyqtyŋ qūqy men müddesıne qarsy jūmys jasaǧan, jerın satyp, normativtık-qūqyqtyq aktılerge qol qoiyp, ädıletsızdıkke jol bergen, qasaqana zaŋsyzdyqtardy ıske asyrǧan kezındegı basşylardy zaŋ aldynda jauapqa tartu jolynda küresımızdı toqtatpaimyz.
Qūrmettı, Qazaqstannyŋ joǧarǧy bilıgındegı lauazymdy basşylar!
Bızdıŋ Altyntöbe auyly okrugınıŋ jerın halyqqa belgısız korporasiia menşıktep alyp, jerlerı bölıske tüsıp, azamattary tergeuge tartylyp, sottalyp jatyr. Ädılettıŋ ornap, taptalǧan halyqtyŋ qūqyn retke keltıru jolynda sızderden kömek sūraimyz.
Altyntöbe auyly okrugınıŋ azamattary jer dauy boiynşa Qazyǧūrt audandyq sotyna 3 ret talap aryz tüsırdı. Qazyǧūrt audandyq soty üşeuın de qarausyz qaldyryp, kerı qaitaryp jıberdı. Bız 30 jyl boiy qūqy taptalǧan halyqtyŋ müddesı men qūqyn qalpyna keltıru jolyndaǧy küresımızdı toqtatpaimyz. Ädıldık ornaǧanşa küresemız.
Ūqsas jaŋalyqtar
