Balalar jylyndaǵy zamanaýı bilim berýdiń ózekti máselelerine arnalǵan alǵashqy dóńgelek ústeldiń balalar ıgiligine arnalýynyń ózindik máni bar.
Ybyraı Altynsarınniń 180 jyldyǵyna arnalǵan mereıtoılyq joba aıasynda ótken jyly Nazarbaev Zııatkerlik mektepteri álemdik bilim berýdiń basym baǵyttary boıynsha dóńgelek ústelder serııasyn uıymdastyrǵan bolatyn. Jańa bilim berý mazmunyndaǵy jańa platformanyń ózektiligi pedagogterdiń biliktiligin arttyrýda onyń logıkalyq jalǵasyn aıqyndady, dóńgelek ústelderdiń statıstıkasy ár áńgimege barlyq óńirlerden myńnan astam pedagog pen bilim berý uıymdarynyń ókilderiniń qosylǵanyn kórsetti.
Balalar jylyndaǵy birinshi jıynnyń taqyryby «Oqýshylardyń ál-aýqaty: qoldaý kórsetetin mektep qaýymdastyqtaryn qurý» dep ataldy jáne búgingi kúni kóptegen elderde jumys júrgizilip jatqan jahandyq bilim berýdiń strategııalyq basymdyǵymen sáıkes keldi.
«Nazarbaev Zııatkerlik mektepteri» DBBU Basqarma tóraıymy Kúlásh Shámshıdınovanyń «Mektep – ıgilik ortasy» baıandamasyndaǵy negizgi postýlat pen pozıtıvti ataýdyń sáıkes kelýi zańdylyq. Balalardyń ál-aýqaty – oqytýdyń negizi, qoldaý kórsetetin mektep qaýymdastyǵy qandaı bolýy kerek jáne olar dál qazir nelikten mańyzdy? Osy kúrdeli suraqtarǵa jaýaptar, sondaı-aq NIS algorıtmderi men balaǵa qolaıly orta qurýdyń ozyq tájirıbeleri dóńgelek ústel qatysýshylarynyń kásibı qorjynyn tolyqtyrdy.
Taldyqorǵan qalasyndaǵy Zııatkerlik mektep dırektory Vıktor Sosın óz sózin balalardyń ál-aýqatyna nazar aýdarýdy qamtıtyn halyqaralyq mektep akkredıtaııasynyń jańa standarttaryna jáne mektepte, otbasynda jáne qoǵamda balaǵa jaıly jaǵdaı jasaý boıynsha júıeli jumystyń naqty mysaldaryna arnady.
Bilim berý men densaýlyq uǵymyn oqýshylardyń ál-aýqaty úshin qalaı biriktirýge bolady? Densaýlyq pen ál-aýqattyń bilim berý úderisindegi ıntegraııasy, onyń ishinde durys tamaqtaný, dene belsendiligi, psıhıkalyq densaýlyqqa negizdelgen densaýlyq saqtaýdyń jańa paradıgmalaryn IýNESKO-nyń jahandyq densaýlyq jáne bilim berý konsýldyǵynyń dırektory Gýf Býıs taldady.
BUU Esirtki jáne qylmys jónindegi basqarmasy halyqaralyq keńesshisi, PhD doktory, «Tatý otbasy» jobasy aıasynda uzaq jyldar boıy NIS-pen yntymaqtastyqta qyzmet etip júrgen Debora Allen (Deborah Allen) pozıtıvti ata-ana tárbıesin balanyń emoıonaldy jaǵdaıynyń negizgi faktory retinde anyqtady.
Bilim jáne Ǵylym mınıstrligi balalar quqyǵyn qorǵaý komıtetiniń tóraǵasy Esenǵazy Imanǵalıev Qazaqstanda balalardyń quqyqtaryn qorǵaý jáne olardyń ál-aýqatyn basqarý tetikteri, sondaı-aq tabysty mektep qaýymdastyqtaryn qurý quraldary jumys isteıtinin atap ótti. Qazaqstandyq balalardyń ál-aýqaty ındeksine 4 domen (baǵyttardy), 56 ındıkator usynyldy, olar balalardyń laıyqty ómir sapasy, bilim alý, densaýlyq, ınfraqurylym, zorlyq-zombylyqtan qorǵaý jáne áleýmettený múmkindikterine qoljetimdiligin qamtıdy. Balalar jyly aıasynda atqarylyp jatqan jáne josparlanǵan sharalardyń barlyǵy da mańyzdy ındıkatorlarǵa baǵyttalǵan. Elimizde jalpy balanyń ál-aýqatyn qalyptastyrý strategııasyn júıeli ári aýqymdy júzege asyrý Nazarbaev Zııatkerlik mektepterinen bastalatynyn Esenǵazy Imanǵalıev atap kórsetti.
Eýrazııalyq tehnologııalyq ýnıversıtetiniń Adam quqyqtaryn, ınklıýzııa jáne azamattyq qoǵamdy zertteý ortalyǵynyń dırektory, «Bolashaq mektebi» mekteptegi bilim berýdi reformalaý qoǵamdyq jobasynyń moderatory Halıda Ájiǵulova dóńgelek ústel qatysýshylarynyń nazaryn qoldaıtyn jáne tabysty mektep qaýymdastyǵyn qurý úshin qajet ózgeristerge, sondaı-aq elimizdegi balalardyń qaýipsizdigin, densaýlyǵyn jáne ál-aýqatyn qamtamasyz etý úshin qajetti qosymsha sharalarǵa aýdardy.
Ádisker Baqytgúl Janǵazıeva áriptesterine Atyraý oblystyq bilim basqarmasy men «Nazarbaev Zııatkerlik mektepteri» DBBU-nyń qolaıly jáne qaýipsiz bilim berý ortasyn damytýdaǵy yntymaqtastyq jobalaryn tanystyrdy.
Elimizdiń pedagogteri úshin NIS qurǵan kásibı alańdaǵy árbir kezdesýdiń mindetti túrde jalǵasy bolady. Zııatkerlik mektepterde zamanaýı bilim berýdegi eń ózekti jáne suranysqa ıe basymdyqtardyń biri retinde otandyq mektepterdegi balalardyń ál-aýqatyn engizý boıynsha jobalardyń tutas serııasy josparlanýda.
