Qyzylorda oblysynyŋ jaŋa äkımı Nūrlybek Nälıbaev keŋesşılerden bas tartty.
Aimaq basşysy oblys äkımdıgınıŋ keŋeitılgen jiyn otyrysynda QR Prezidentı Qasym-Jomart Toqaevtyŋ tapsyrmasyna säikes memlekettık apparatty oŋtaily jäne tiımdı etu maqsatynda baǧyttas basqarmalardy bırıktıretının mälımdedı. 24 basqarmanyŋ 8-ı qysqaryp, oblys äkımdıgınıŋ qūrylymynda 16 basqarma qalatynyn jetkızdı.
«Özderıŋız bılesızder, öŋırde 24 oblystyq basqarma jūmys jasaidy. Endı, sonyŋ 8-ı qysqaryp, oblys äkımdıgınıŋ qūrylymynda 16 basqarma qalatyn bolady. Qabyldanǧan şeşım qyzmetterdıŋ qaitalanuyn joiuǧa, jalpy jūmys mölşerınıŋ tepe-teŋ retteluın qamtamasyz etuge jäne basşylyq qūramdy oŋtailandyru esebınen äkımşılık şyǧyndardy qysqartuǧa mümkındık beredı. Däl osylai qala jäne audan äkımdıkterınıŋ de qūrylymyn özgertu qajet», - dedı oblys äkımı.Sondai-aq, Nūrlybek Nälıbaev äkım apparatynda aldaǧy uaqytta oblys äkımınıŋ ştattaǧy jäne ştattan tys keŋesşı lauazymdary bolmaitynyn mälımdedı. «Būdan ärı oblys äkımınıŋ ştattaǧy jäne ştattan tys keŋesşı lauazymdary bolmaidy. Kez kelgen adamǧa keŋesşı degen kuälıktı tarata berudı qoiuymyz kerek. Bızdıŋ keŋesşımız – halyq!», - dedı oblys äkımı.
Ūqsas jaŋalyqtar
