Qazaqstandyq ǧalym Örken Mamyrbaev qazaq tılındegı dauystyq habarlamalardy mätınge auystyratyn jüienı oilap tapty, dep habarlaidy “Adyrna” ūlttyq portaly Bılım ministrlıgıne sılteme jasap.
Ö. Mamyrbaev – QR BǦM Ǧylym komitetınıŋ Aqparattyq jäne esepteuış tehnologiialar institutynyŋ ǧylymi qyzmetkerı.
«Kazak ASR» ziiatkerlık jüiesı Telegram äleumettık jelısınde chat-bot retınde qazırdıŋ özınde jūmys ısteidı. Joba sonymen qatar tanymal niderlandtyq Philips kompaniiasynyŋ önımderıne bırıktırılıp, jaqyn arada naryqqa şyqpaq.
«Kazak ASR» dauystyq signaldardy tanyp qana qoimai, sondai-aq olardy mätınge ainaldyrady. Äzırlengen jüie Telegram-da chat-bot retınde jūmys ısteidı. Jüienı tekseru üşın dauystyq habarlama tüimesın basyp tūru kerek. Jazu aiaqtalǧannan keiın bot sızdıŋ dauystyq signaldaryŋyzdy mätınge ainaldyrady. Sonymen qatar komandammen bırge jinalys nemese kezdesu kezınde qosuǧa bolatyn dybys jazu qūrylǧysyn äzırledık. Jinalys aiaqtalǧannan keiın qūrylǧy qazaq tılınde hattama daiyndaidy», dedı Ö. Mamyrbaev.
Qazır Philips önımderıne qazaq tılınde söileudı tanu tehnologiiasyn engızu boiynşa qūjat äzırlenıp jatyr.
«Philips kompaniiasy serıktestık pen önımdı odan ärı jetıldırudı ūsyndy. Eger algoritm turaly kezeŋ-kezeŋımen aitatyn bolsaq, aldymen baǧdarlama kompiuterge jükteledı. Sodan keiın mikrofondy qosamyz. Söitıp söilei bastaimyz. Qūrylǧy ekı türlı dauysty avtomatty türde tanidy jäne ekı bölıkte qazaq tılındegı mätının körsetedı. Mūndai mikrofon aqparatty mätın türınde saqtau qajet boluy mümkın jinalystar kezınde hattamalar toltyru üşın paidaly», dep tolyqtyrdy ǧalym.
“Adyrna” ūlttyq portaly
