Qazaqstandyq ǵalym Órken Mamyrbaev qazaq tilindegi daýystyq habarlamalardy mátinge aýystyratyn júıeni oılap tapty, dep habarlaıdy “Adyrna” ulttyq portaly Bilim mınıstrligine silteme jasap.
Ó. Mamyrbaev – QR BǴM Ǵylym komıtetiniń Aqparattyq jáne esepteýish tehnologııalar ınstıtýtynyń ǵylymı qyzmetkeri.
«Kazak ASR» zııatkerlik júıesi Telegram áleýmettik jelisinde chat-bot retinde qazirdiń ózinde jumys isteıdi. Joba sonymen qatar tanymal nıderlandtyq Philips kompanııasynyń ónimderine biriktirilip, jaqyn arada naryqqa shyqpaq.
«Kazak ASR» daýystyq sıgnaldardy tanyp qana qoımaı, sondaı-aq olardy mátinge aınaldyrady. Ázirlengen júıe Telegram-da chat-bot retinde jumys isteıdi. Júıeni tekserý úshin daýystyq habarlama túımesin basyp turý kerek. Jazý aıaqtalǵannan keıin bot sizdiń daýystyq sıgnaldaryńyzdy mátinge aınaldyrady. Sonymen qatar komandammen birge jınalys nemese kezdesý kezinde qosýǵa bolatyn dybys jazý qurylǵysyn ázirledik. Jınalys aıaqtalǵannan keıin qurylǵy qazaq tilinde hattama daıyndaıdy», dedi Ó. Mamyrbaev.
Qazir Philips ónimderine qazaq tilinde sóıleýdi taný tehnologııasyn engizý boıynsha qujat ázirlenip jatyr.
«Philips kompanııasy seriktestik pen ónimdi odan ári jetildirýdi usyndy. Eger algorıtm týraly kezeń-kezeńimen aıtatyn bolsaq, aldymen baǵdarlama kompıýterge júkteledi. Sodan keıin mıkrofondy qosamyz. Sóıtip sóıleı bastaımyz. Qurylǵy eki túrli daýysty avtomatty túrde tanıdy jáne eki bólikte qazaq tilindegi mátinin kórsetedi. Mundaı mıkrofon aqparatty mátin túrinde saqtaý qajet bolýy múmkin jınalystar kezinde hattamalar toltyrý úshin paıdaly», dep tolyqtyrdy ǵalym.
“Adyrna” ulttyq portaly
