Bılım jäne ǧylym ministrlıgı elımızdegı kolledjderde syrttai oquǧa arnalǧan bılıktılık tızımın aitarlyqtai qysqartty. Endı studentter 53 bılıktılık boiynşa bılım ala alady, dep jazady "Adyrna" ūlttyq portaly.
Salystyrmaly türde aitar bolsaq, ekı jyldan astam uaqyt būryn 595 bılıktılık boiynşa syrttai bılım aluǧa bolatyn. Bıraq oqytudyŋ būl türı studentterge sapaly daǧdylardy bermeitındıkten, ministrlık olardy qysqartu boiynşa kezeŋ-kezeŋımen jūmys jürgızdı. Būl joly syrttai oqu «Qūqyq», «Bılım beru», «Servis, ekonomika jäne basqaru» jäne basqa da kadrlardy daiarlau beiınderı boiynşa alynyp tastaldy.
«Bügıngı taŋda tehnikalyq jäne käsıptık bılım beru salasyndaǧy kadrlardy daiarlauǧa qoiylatyn talaptardy eŋbek naryǧy men jūmys beruşıler belgıleidı. Ol üşın bız syrttai oqu türınen bas tartyp jatyrmyz. Sondai-aq mūndai şeşımdı qabyldauǧa tülekterdıŋ oqudy bıtırgennen keiın alatyn bılım men daǧdylarynyŋ jetkılıksız sapasy sebep boldy. Kolledjder studentterge jūmys ornynda bılım aluǧa mümkındık beretın ırı käsıporyndarmen jäne biznespen tyǧyz bailanysta jūmys ısteidı. Iаǧni būl oqytudyŋ dualdy formasy. Būl bügınnıŋ özınde bılım sapasyna oŋ äserın tigızıp keledı. Syrttai oqytu tızımınen talap etılmegen bılıktılıkter, onyŋ ışınde daiyndyq säikestıgın eskere otyryp, bıreuıne bırıktırılgender alynyp tastaldy. Jalpy bız qysqartu jūmystaryn ärı qarai jalǧastyramyz», - dep atap öttı QR BǦM Tehnikalyq jäne käsıptık bılım departamentınıŋ direktory Nasymjan Ospanova.
"Adyrna" ūlttyq portaly
