Mädeniet jäne sport ministrlıgı Tıl saiasaty komitetınıŋ ūiymdastyruymen onlain rejimde «Qazaq tılın ūltaralyq qatynas tılıne ainaldyrudyŋ tiımdı joldary» taqyrybynda ötken seminar-keŋeste elımızde tūratyn etnos ökılderı memlekettık tıldı damytuǧa bailanysty halyqqa ündeu joldady. Būl turaly osy jiynǧa qatysqan Parlament Mäjılısınıŋ deputaty Qazybek İsa aitty, dep habarlaidy “Adyrna” ūlttyq portaly.
«Kezdesude «Vatra» Ukrain mädeni ortalyǧynyŋ töraǧasy Taras Chernega, «KAZAKH INVEST» ŪK» AQ baspasöz hatşysy Nikolai Putilin, «Ahyska» türık etno-mädeni ortalyǧynyŋ töraǧasy Äsker Piriev pen almatylyq jas jıgıt Evgenii Demidenko el tūrǧyndarynyŋ jetpıs paiyzdan astamy memleket qūrauşy ūlt ökılderı bolǧan soŋ, köpşılık azşylyqqa ülgı bolyp, elımızdıŋ ärbır azamaty memlekettık tıldıŋ maŋyzdylyǧyn tereŋdıgın tüsınıp, sözden naqty ıske, iaǧni tıldı üirenuge köşse degen oilaryn aitty», – dedı ol.Odan keiın ol keŋeste «Ahyska» türık etno-mädeni ortalyǧynyŋ töraǧasy Äsker Pirievtıŋ bır oqiǧany eske alǧanyn aitty.
«Äsker Piriev mynadai jan tebırenterlık oqiǧany aityp berdı. Isker bailanys ornatuǧa kelgen europalyq bır azamat qazaq tılın bılmei tūrǧan käsıpkermen jūmystas boludan bas tartypty. Sebebın sūrasa, tuǧan elın qadırlemeitın adam eşnärsenıŋ qadırın ūǧa almaidy, qasietsız adamdarmen käsıp qūru qauıptı degen eken. Äsker sözın: «Qazaqtyŋ bauyrsaǧy tättı, tabiǧaty saia, auasy şipa, taǧamy dämdı bolǧanda, tılı nege tättı bolmaidy?!» – dep aiaqtady. Kezdesu soŋynda naqty ūsynystar men pıkırler eskerılıp, respublika jūrtşylyǧyna ündeu jariialandy», – dedı ol.Ündeudıŋ tolyq mätının jariialap otyrmyz. Ü N D E U Bız etnomädeni bırlestık basşylary! – tıl saiasatyn jüzege asyratyn 2020-2025 jyldarǧa arnalǧan memlekettık baǧdarlamaǧa qazaq tılınıŋ qoldanysyn mındetteu normativterın bekıtetın «Memlekettık tıl turaly» zaŋ qabyldauǧa; Qazaqstan Respublikasyndaǧy Tıl turaly zaŋyndaǧy «memlekettik tildi meŋgeru – Qazaqstan Respublikasynyŋ ärbir azamatynyŋ paryzy» – degen 4-bapty, «memlekettik tildi meŋgeru – Qazaqstan Respublikasynyŋ ärbir azamatynyŋ mındetı» dep auystyruǧa qajettı şaralardy engızu; – Qazaqstan Respublikasyndaǧy kez kelgen normativtık qūjat, zaŋ mätının aldymen memlekettık tılde äzırleudı ūiymdastyratyn qanatqaqty (pilotnyi) jobany ıske qosu; – qazaq tılın meŋgeru deŋgeiın baǧalaudyŋ QAZTEST jüiesın qoǧamnyŋ ärtürlı salasynda jūmysqa ornalasu, qyzmetke tūru barysynda ırıkteu erejelerıne mındettı engızudıŋ normativtık-qūqyqtyq bazasyn äzırlep, qūzırettı mekemelermen kelısudı ūiymdastyru; – «Qazaq tılı», «Qazaqstan tarihy» siiaqty oqu pänderınıŋ mazmūnyna qazaq tılınıŋ etnosaralyq qatynas tılı qyzmetı, onyŋ sol märtebede qalyptasu tarihyna qatysty jüielı aqparattardy engızu şaralaryn qolǧa alu; – syrttan kelgen migranttardyŋ tıldık jäne mädeni beiımdeluı üşın memlekettık tıldı qarapaiym deŋgeide bıluın mındetteudı, sertifikattaudy qamtamasyz etetın normativtık baza äzırleu. – qazaqtıldı biznes-kommunikasiia alaŋdaryn keŋeituge jäne qūraldaryn jetıldıruge basymdyq beru; – memlekettık emes kompaniia, jekemenşık mekemeler men qarjy, bank salasynyŋ ūiym qyzmetkerlerın memlekettık tılde söileuge yntalandyratyn normativter äzırleu jäne şaralar jüiesın ūiymdastyru; – memlekettık tıldıŋ äleumettık imidjın arttyru maqsatynda jastar arasynda qazaqşa söileuge şaqyratyn pıkır alaŋdaryn, türlı aksiialar, latyngrafikaly älıpbidı engızuge bailanysty strit-art baiqaularyn ötkızuge qoldau körsetu.
”Adyrna” ūlttyq portaly
Ūqsas jaŋalyqtar
