Nūr-Sūltanda segızınşı qabatta terezege ılınıp tūrǧan qyzdy qūtqarǧan 36 jastaǧy Säbit Şontaqbaev Qazaqstan halqyna ün qatty, dep habarlaidy “Adyrna” ūlttyq portaly tengrinews.kz saityna sılteme jasap.⠀
"Jaǧdaiym jaqsy. Jaŋa ǧana üş bölmelı päter bergen qūrylys kompaniiasynyŋ keŋsesınen şyqtym. Qūjattardy toltyryp şyqtym. Maǧan kömektesken dosyma da ekı bölmelı päter berıledı dedı. Qazır qūjattaryn daiyndap jatyr", - dedı Şontaqbaev .
Aituynşa, oǧan belgısız bıreuler telefon soǧyp, keşegı äreketı üşın alǧys aityp jatqan körınedı.
"Bärın bırdei este saqtai almaimyn, bärı alǧys aityp, qoldap jatyr. Jezqazǧan, Kökşetau, Taldyqorǧan, Almatydan, jan-jaqtan telefon soǧyp jatyr. Tıptı, köbın tanymaimyn", - deidı ol.
Säbit Şontaqbaev qoldap jatqan Qazaqstan halqyna alǧysyn bıldırdı.
"Qūdaiǧa şükır, maǧan bärı jetedı. Qazaqstan halqyna ün qatqym keledı, kömektesıp jatqan adamdarǧa alǧys aitamyn. Bır-bırımızge jaqsylyq jasau öte dūrys", - deidı ol.
Säbit qyzdyŋ ata-anasymen älı kezdespegenın aitty.
"Qyzdyŋ anasy telefon soǧyp, alǧys aitty. Ata-anasyn älı körgen joqpyn", - dep tüiındedı ol.
”Adyrna” ūlttyq portaly
