QR Eńbek sińirgen qaıratkeri Amantaı Bergalıev Facebook-tegi paraqshasynda «Irına Kaıratovna» toby men «Shiza» esimdi ánshige qatysty Bas prokýratýraǵa jáne IIM-ge ashyq hat joldaǵanyn jazdy, dep habarlaıdy “Adyrna” ulttyq portaly.
Qaıratker ashyq hatta ánshilerdiń sahna ádebin saqtamaı, mádenıetsizdigi men Týdy qorlaǵany halyqtyń ashý-yzasyn keltirgenin aıtty.
«25 mamyr kúni Almaty qalasyndaǵy Balýan Sholaq saraıynda ótken «Irına Kaıratovna» tobynyń konertinde ánshiler, onyń ishinde «Shiza» laqap atty ánshi sahnada mádenıetsizdigimen Týdy qorlady, sahna ádebin saqtamady. Árbir qazaq azamatynyń namysyna tıetin áreketke barǵan vıdeosy jarııalandy. Bul óz kezeginde halyqtyń ashý-yzasyn keltirip, túrli áleýmettik jelilerde keńinen tarady», – dep bastalǵan ashyq hatta.
Sondaı-aq, hatta bul jaǵdaı aıaqsyz qaldyrylmaı, ánshilerge zań júzinde jaza qoldanylý kerek ekeni jetkizilgen. Ashyq hatqa QR Eńbek sińirgen qaıratkerleri men jazýshylar qol qoıyp, tıisti quzyrly organdarǵa joldady.
«Atalǵan jaǵdaıdy aıaqsyz qaldyrmaýdy, zańmen jazalaýdy talap etemiz. Jas urpaqtyń tárbıesi úshin alańdaımyz, jarqyn bolashaqty kútetin bolsaq, biz ónerdi jáne ónerge degen qurmetti qalyptastyrýymyz kerek.
Keleshekte de osyndaı bassyzdyqty boldyrmaý jáne aldyn alý úshin barlyq zańdyq sharalardy qabyldaý kerek. Ótinimdi aıaqsyz qaldyrmaı jáne der kezinde zań aıasynda jaýapqa tartýdy suraımyz», – delingen ashyq hatta.
”Adyrna” ulttyq portaly
