Keşelı-berı Resei aqparat qūraldary Medinskiidıŋ mäŋkılın japatarmaǧai jazyp jatyr. «Baqsaq – baqa eken» degendei, jazǧan-syzǧandaryna köz jügırtsek, Medinskii bızge ökpelı eken. Bızge degenıŋız – jalǧyz qazaqqa emes, būrynǧy KSRO qūramynda, Resei imperiiasy qūramynda bolǧan elderge tügel.
«Reseidı baǧalamaisyŋdar. Şaşyrap jürgen tobyr edıŋder, bızge qosylyp memleket boldyŋdar», - degenge saiady jalpy mazmūny.
Medinskii: «TMD elderınde ortaq ötken şaqtaǧy Reseidıŋ rölın jete baǧalamau baiqalady. Būl – saiasi tehnologiia. Tarihi şyndyq – Reseidıŋ rölı oŋ bolǧanyn körsetedı. Sondyqtan TMD elderı özıne jäne özınıŋ ötken tarihyna adal boluy kerek», - dep kölgırsi söiledı.
«Resei qūramyna qosylǧannan keiın Resei imperiiasy köptegen halyqtarǧa özınıŋ ūlttyq bıregeilıgın, mädenietın, tılın, dıni nanym-senımderın saqtap qaluǧa ülken mümkındıkter jasady. Būl mümkındıkter keiın kele olardyŋ memleketke ainaluyna negız boldy. Äitpese, Resei qūramyna qosylu negızınen beibıt türde jüzge asty. Jäne nazar būratyn maŋyzdy jait – Resei qūramyna olar memleket bolyp qosylǧan joq. Eşqandai memleket bolǧan joq, olarda. Olar halyq bolyp qosyldy», - dedı. Būl da «bılgış» Medinskiidıŋ bäldu-bälduı.
Jalpy, soŋǧy jyldary Resei tarihşylary men saiasi tūlǧalary tarapynan «ötken tarihqa» qatysty dauly mälımdemeler jasau tendensiiaǧa ainalyp keledı. Būndai arandatuşy mälımdemelerge Qazaqstannyŋ da deŋgeiles tūlǧalary der kezınde jauap qaitaryp otyruy ädılettı bolmaq!
