Qarauyl töbede ötetın merekelık ıs-şaralar aiasynda ūlttyq naqyştaǧy keŋ auqymdy etno-qalaşyq qūrylyp, 200-den asa kiız üi tıgıledı. Būl turaly Abai audanynyŋ äkımı Meiırjan Smaǧūlov baiandady.
- Abai oblysynyŋ qala-audandary men mekemelerıne tiesılı 180 kiız üi Qarauyl töbege ornalastyrylsa, Abai saiabaǧynda käsıpkerlık jäne muzeilık baǧyttaǧy qazaq üiler men ölketanu ekspozisiialary ūiymdastyrylady. Sonymen qatar, qolöner şeberlerı men ūlttyq būiymdar öndıruşılerıne arnalǧan sauda-sattyq alaŋy belgılenıp, keluşılerge etnomädeni ruh pen ūlttyq qūndylyqtardy tanystyru közdelgen, - dedı Meiırjan Smaǧūlov.
8–10 tamyz künderı aralyǧynda arnaiy qoǧamdyq kölık marşruttary men kestelerı bekıtılıp, 12 avtobus qyzmet körsetedı. Mümkındıgı şekteulı azamattar üşın 10 invataksi tartylyp, qolaily jaǧdai jasalady. Abai saiabaǧy aumaǧynda jalpy 6480 kölıkke arnalǧan avtotūraq oryndary, aialdamalar men mümkındıgı şekteulı azamattarǧa arnalǧan aimaqtar qarastyrylǧan.
- Qarauyl auylynda tärtıp pen qoǧamdyq qauıpsızdıktı 900 äskeri qyzmetker qamtamasyz etedı. Sonymen qatar, 6 jedel järdem kölıgı bar medisinalyq brigadalar, 40 TJ qyzmetkerı jäne 6 ört söndıru tehnikasy jūmyldyrylǧan. Is-şaralarǧa 500-ge juyq erıktıler tartylyp, būqaralyq aqparat qūraldary men tanymal blogerlerdıŋ qatysuy arqyly keŋ auqymdy aqparattyq qamtu közdelgen, - dep qorytyndylady spiker.
