Premer-ministrdıŋ orynbasary Qanat Bozymbaev Ortalyq Aziia elderınıŋ Memleketaralyq üilestıru su şaruaşylyǧy komissiiasynyŋ 90-şy otyrysyn ötkızdı.
Is-şaraǧa Qazaqstan, Qyrǧyzstan, Täjıkstan, Türıkmenstan, Özbekstannyŋ salalyq jäne syrtqy saiasatqa jauapty vedomstvolarynyŋ ökılderı, sondai-aq halyqaralyq qarjy instituttary men damu ūiymdarynyŋ ökılderı qatysty.
Atalǧan ūiym – öŋırdegı transşekaralyq su resurstaryn strategiialyq basqarudaǧy negızgı memleketaralyq organ. Bügıngı otyrystyŋ kün tärtıbı agroklimattyq jaǧdaidyŋ kürdelılıgıne bailanysty aiqyndaldy jäne su resurstaryn ädıl bölu jönındegı jedel mäselelerge arnaldy.
Qanat Bozymbaev biylǧy vegetasiialyq kezeŋnıŋ asa kürdelı jaǧdaida ötıp jatqanyn atap öttı. Aldaǧy jyldary kütıletın klimattyq özgerıs pen su tapşylyǧy Ortalyq Aziia elderınen üilestırılgen äreketter men qol jetkızılgen uaǧdalastyqtardy qataŋ saqtaudy talap etedı.
«Şardara su qoimasyndaǧy su kölemı köpjyldyq ortaşa deŋgeiden tömendedı. Būl – jai ǧana körsetkış emes, aǧystyŋ tömengı bölıgındegı sumen qamtamasyz etıluıne töngen naqty qauıp. Ökınışke qarai, osy komissiia aiasynda qabyldanǧan şeşımder tolyq kölemde oryndalmai otyr, būl öz kezegınde su rejimderın retteude eleulı qiyndyqtar tuǧyzuda. Uaqyt bızden anaǧūrlym jyldam äreket etudı talap etedı. Bız tek talqylap, josparlap qana qoimai, naqty şaralar qabyldauymyz qajet. Serıktestıgımız senım men özara tüsınıstık ruhynda dami beredı dep senemın, al bırlesken jūmys elderımız ben bükıl öŋır üşın naqty nätijeler äkeledı», — dedı Qanat Bozymbaev.
Otyrys aiasynda Qanat Bozymbaev Täjıkstan men Özbekstannyŋ su şaruaşylyǧy vedomstvolary basşylarymen ekıjaqty kezdesuler ötkızdı. Kezdesulerde Syrdariia jäne Ämudariia özenderı basseinderı boiynşa bekıtılgen su limitterı men su qoimalarynyŋ jūmys rejimderın paidalanu mäselelerı talqylanyp, kelesı jylǧy vegetasiialyq kezeŋge daiyndyq ıs-şaralarynyŋ jospary aiqyndaldy.
Jiyn qorytyndysy boiynşa Memleketaralyq üilestıru su şaruaşylyǧy komissiiasynyŋ 90-şy otyrysynyŋ hattamasyna qol qoiu räsımı öttı. Kelesı otyrys Türıkmenstanda ötedı.
