Qazaqstannyŋ bolaşaǧy – onyŋ jastary. Eldıŋ damuy men jaŋaruynda jas buynnyŋ rölı zor. Sondyqtan da jastardy memlekettık qyzmetke tartu — strategiialyq maŋyzy bar mäsele.
«Memlekettık qyzmettı jastarmen tolyqtyryp, kadrlyq jaŋaruǧa jol aşuymyz kerek. Būl – eldıŋ keleşegıne salynǧan investisiia», – dep, Prezident Qasym-Jomart Toqaev būl baǧyttyŋ maŋyzdylyǧyn bırneşe ret atap ötken bolatyn.
Bügınde Qazaqstannyŋ memlekettık qyzmet jüiesı qarqyndy jaŋǧyru kezeŋınde tūr. Sifrlandyru, aşyqtyq, käsıbilık – būlar el basqarudyŋ basty talaptaryna ainaldy. Mūndai özgerıster aiasynda basty nazarda – jastardyŋ belsendılıgı.
Būl baǧytta elımızde bırqatar naqty qadamdar jasalyp, zaŋnamalyq negızder qalyptastyrylǧan.
Jastardy qoldau boiynşa bırneşe maŋyzdy zaŋ aktılerı men baǧdarlamalar qabyldandy.
Soŋǧy özgerısterge säikes, joǧary oqu ornyn üzdık (GPA 3.33 kem emes) aiaqtaǧan tülekterge auyldyq jäne audandyq deŋgeidegı tömengı lauazymdarǧa bır jyl ışınde konkurssyz ornalasu qūqyǧy berılgen.
Özgerıster engızılgennen bastap memlekettık qyzmetke 59 tülek ornalasty.
Sonymen qatar, Memlekettık qyzmettı damytudyŋ 2024–2029 jyldarǧa arnalǧan tūjyrymdamasyna säikes jastardyŋ memlekettık qyzmetke beiımdeluıne jaǧdai jasau, täjıribe jäne taǧylymdama jüiesın zaŋnamalyq tūrǧyda küşeitu maqsaty qoiylǧan.
Qazırgı taŋda, departament pen Memlekettık basqaru akademiiasynyŋ öŋırlıq filialymen 2018 jyly «Jaŋa talap» memlekettık qyzmet mektıbınıŋ aşylyp, jastar arasynda memlekettık qyzmet institutyn tanymaldandyruǧa ülesın qosuda. Oqytu şeŋberıŋde tyŋdauşylar maŋyzdy zaŋnamalyq aktılermen tanysyp, memlekettık organdarda taǧylymdamadan ötedı.
Jastardy qoldau maqsatynda maŋyzdy qadamdardyŋ bırı – kadrlyq rezervtı qalyptastyru. Elımızde ekı negızgı baǧytta kadr rezervı jüzege asyrylyp keledı: Prezidenttık jastar kadr rezervı jäne öŋırlık kadr rezervı. Ekı joba da daryndy, käsıbi jäne jaŋaşyl oilaityn azamattardy memlekettık qyzmetke tartuǧa baǧyttalǧan.
Prezidenttık jastar kadr rezervı – Qazaqstan Respublikasynyŋ Prezidentı Qasym-Jomart Toqaevtyŋ 2019 jylǧy bastamasymen ıske qosylǧan strategiialyq joba. Maqsaty – elımızdıŋ damuyna serpın bere alatyn jas, bılımdı, käsıbi mamandardy memlekettık basqaru jüiesıne tartu. Bügınde atalmyş rezervke kezektı ırıkteu ötkızılude, öŋırımızden osy ırıkteuge 300 astam azamat qatysuda.
Öŋırlık kadr rezervı – oblystar men respublikalyq maŋyzy bar qalalarda jüzege asyrylatyn, jergılıktı memlekettık basqaruǧa arnalǧan rezerv. Būl joba öŋırlerge jaŋa közqaras pen jaŋa küş äkeluge baǧyttalǧan. Atalmyş jobaǧa ırıkteu 2024 jyly alǧaş ret ötkızılıp, öŋırlık kadr rezervıne 30 azamat engızıldı jäne 50% jūmysqa ornalasty.
Zaŋnamalyq aktılermen bekıtılgen mümkındıkter men rezerv jüiesı, jeŋıldık şarttary — barlyǧy jastarǧa senım bıldırudıŋ dälelı.
Memlekettık qyzmet — būl tek jūmys orny emes, ol elge qyzmet etudıŋ joǧary jauapkerşılıgı. Bügıngı jastardy qoldap, olardyŋ memlekettık basqaruǧa aralasuyna jol aşu — elımızdıŋ tūraqty damu kepılı.
Memlekettık qyzmet
ısterı agenttıgınıŋ
Batys Qazaqstan oblysy
boiynşa departamentı
