Älemge äigılı akter Djeki Chan Almatyǧa kelgenın rastap, qazaqstandyq serıktesterımen foto jariialady. Būl turaly öner iesı Facebook paraqşasyna jazdy, dep habarlaidy "Adyrna".
"Almatyǧa lokasiialardy zertteu üşın bardym. Salem Entertainment ūjymyna asqan qonaqjailylyq üşın alǧys aitamyn", - degen jazba qaldyrdy akter.
Qazaqstandyq mediakompaniia Instagram-daǧy paraqşasynda äigılı Djeki Chanmen jūmys kezdesu ötkenın habarlady.
"Salem Entertainment qabyrǧasynda älemdık kinematografiia aŋyzy – akter, ssenarist, rejisser jäne prodiuser Djeki Chanmen jūmys kezdesuı öttı. Bız ırı bırlesken jobany jüzege asyruǧa kırıstık. Almatyda bolǧan uaqytynda akter bızdıŋ komandamyzben bırge aldaǧy kartinanyŋ tüsırılım alaŋdaryn taŋdady. Filmnıŋ negızgı bölıgı Qazaqstanda tüsırıletın bolady", - dep jazdy kompaniia ökılderı.
Jobanyŋ basqa mälımetterı äzırge qūpiia bolyp otyr. Alaida kompaniia ökılderı körermenderdı alda ǧalamat jaŋalyqtar kütude ekenın jetkızdı.
Būdan aldyn äleujelıde Gollivud jūldyzy Djeki Chan Almatyǧa ūşyp kelgenı turaly aqparat taraǧanymen, bastapqyda eşkım rastamaǧan. Bırqatar sport blogerlerınıŋ deregınşe, Djeki Chan 30 qyrküiekte ötetın Chempiondar ligasy aiasyndaǧy «Qairat» pen madridtık «Real» arasyndaǧy matchqa arnaiy qonaq retınde qatysuy mümkın. Sondai-aq stadionda fotosessiia ūiymdastyrylatyny aityluda.
