2025 jyldyŋ 1 qazanynda Marokkonyŋ oŋtüstık-batysyndaǧy Agadir qalasynyŋ maŋynda jastardyŋ jappai narazylyǧy tärtıpsızdıkke ūlasyp, saldarynan 3 adam qaza tauyp, jüzdegen adam jaraqat aldy jäne 400-den astam adam qamaldy, dep habarlaidy "Adyrna".
Resmi mälımetke säikes, jandarmeriia qyzmetkerlerı qaru-jaraqty tartyp almaq bolǧan bır top adamǧa oq atuǧa mäjbür bolǧan. Nätijesınde üş adam qaza tauyp, ondaǧan azamat pen qauıpsızdık qyzmetkerlerı jaralanǧan. Marokko Işkı ıster ministrlıgı jariialaǧan derekter boiynşa, bır tünnıŋ ışınde 354 adam jaralanyp, olardyŋ 326-sy - qauıpsızdık organdarynyŋ qyzmetkerlerı.
Eldıŋ 23 aimaǧyndaǧy 271 qyzmettık polisiia kölıgı, 175 jeke avtokölık, 80-ge juyq äkımşılık jäne kommersiialyq ǧimarat zaqymdanǧan.
Ministrlık mälımetınşe, tärtıpsızdıkke qatysqandardyŋ 70%-y kämeletke tolmaǧandar, keibır jaǧdailarda būl körsetkış 100%-ǧa deiın jetken. Qazırgı taŋda 400-den astam adam ūstaldy. Kämeletke tolmaǧandarǧa qatysty prosessualdyq baqylau jürgızılıp jatsa, eresekterdıŋ basym bölıgı qamauǧa alynǧan.
Marokko Koroldıgınde qūqyq qorǧau organdarymen qaqtyǧysqa ūlasqan narazylyq şaralary bır aptadan berı jalǧasyp jatyr. Narazylyq şaralary eldıŋ eŋ ırı qalalarynda, sonyŋ ışınde Rabat, Kasablanka, Tanjer, Marrakeş jäne Agadirde ötıp jatyr. Jastar kölıkterdı örtep, bankterge, dükenderge, ükımettık ǧimarattarǧa şabuyl jasap, polisiia beketterın qiratty.
Narazylyq tolqynyn TikTok, Instagram jäne Discord siiaqty äleumettık media platformalarynda paida bolǧan «GenZ 212» dep atalatyn anonimdı jastar toby ūiymdastyrdy. Belsendılerdıŋ aituynşa, olardyŋ talaby densaulyq saqtau men bılım beru salasyndaǧy reformalarǧa, sondai-aq jemqorlyqpen küreske qatysty.
"Bızde stadiondar bar, auruhanalar qaida?" - deidı demonstranttar 2026 jylǧy Afrika kubogy men 2030 jylǧy älem chempionatyna daiyndyqqa milliardtaǧan qarajat salatyn bilıkke narazylyq bıldırıp.
IIM narazylyq bıldıru qūqyǧy zaŋ aiasynda saqtalatynyn, alaida qūqyqtyq tärtıp küşterı «azamattar men infraqūrylym obektılerınıŋ qauıpsızdıgıne tönetın qaterge jol bermeitının» atap öttı.
Sarapşylardyŋ pıkırınşe, narazylyqqa densaulyq saqtau jüiesınıŋ älsızdıgı, jastar arasyndaǧy jūmyssyzdyq (resmi derekter boiynşa 35%-ǧa deiın), äleumettık teŋsızdık jäne äleumettık qyzmetterge investisiia saludyŋ ornyna sporttyq jobalarǧa qarjy jūmsauǧa köŋılı tolmau siiaqty faktorlar äser etken.
Tärtıpsızdıktıŋ eŋ küştı epizodtary Suss-Massa aimaǧynyŋ ortalyq qalasy Agadirde jäne onyŋ maŋyndaǧy audandarda tırkeldı.
