Moldova azamatynyŋ qazaqstandyq qūqyq qorǧau organdarynyŋ jūmysyna narazylyǧyn bıldırgen videosy äleumettık jelılerde qyzu talqylanǧan soŋ, polisiia oqiǧanyŋ män-jaiyn tüsındırdı, dep habarlaidy "Adyrna" ūlttyq portaly Tengri Travel-ǧa sıltep
Videoda özın İgor dep tanystyrǧan er adam Almaty äuejaiynda polisiia men şekara qyzmetınıŋ tarapynan «sybailas jemqorlyq» pen «zaŋsyz äreketterge» tap bolǧanyn aityp, şaǧymdanǧan. Ol sondai-aq qūjat räsımdeu kezınde «velosipedın syndyryp», «pasporty tärkılengenın» mälımdegen.
Polisiia departamentı būl mälımetterdı tekserıp, oqiǧanyŋ naqty mänısın anyqtady.
«Tekseru barysynda atalǧan azamattyŋ tölqūjatynda säikessızdık bar ekenı – keibır betterdıŋ joqtyǧy anyqtaldy. Sol sebeptı ol qosymşa tekseruge jıberılgen. Fakt rastaldy», – delıngen polisiianyŋ resmi habarlamasynda.
Vedomstvo ökılderı basqa aiyptaular boiynşa da tekseru jürgızılgenın aitty.
"Polisiia qyzmetkerlerımen eşqandai janjal bolǧan joq. Velosipedtıŋ synuy jäne özge de mälımetter şyndyqqa säikes kelmeidı", – dep mälımdedı departament.
Polisiia İgor esımdı azamatpen profilaktikalyq äŋgıme ötkızıp, zaŋ talaptaryn tüsındırgen.
«Keleŋsız jaǧdai tolyq tüsındırılıp, şeteldık azamat polisiia äreketterınıŋ zaŋdy ekenın moiyndady», – dedı vedomstvoda.
Keiın departament şeteldık azamattyŋ öz qatysuymen tüsırılgen jaŋa videony jariialady.
«Men Almaty äuejaiyndamyn. Şekara qyzmetımen bolǧan tüsınbeuşılık şeşıldı. Polisiia maǧan kömektestı, bärı jaqsy. Qūqyq qorǧau organdaryna eşqandai şaǧymym joq», – dep mälımdedı.
Polisiianyŋ mälımetınşe, Moldova azamaty Qazaqstannan eş kedergısız öz saparyn jalǧastyrǧan.
