Qarjy monitoring agenttıgınıŋ Şymkent qalasy boiynşa departamentı «Auyl şaruaşylyǧyn qarjylai qoldau qory» AQ-nyŋ būrynǧy töraǧasy Jandar Omarovqa qatysty sotqa deiıngı tergeu ötkızıp jatyr, dep habarlaidy "Adyrna".
«Ol alma baqtaryn saluǧa bölıngen biudjet qarajatyn iemdenu faktısı boiynşa, qyzmettık ökılettıgın paidalana otyryp, jūmystar men jabdyqtardyŋ qūnyn negızsız köteru jolymen ūrlyq jasady degen küdıkke ılındı», - dep habarlaidy QMA.
Derekköz būl qylmystyq ıstıŋ shemasyn bylaişa tüsındırgen: Jandar Omarov özıne qatysy bar «Green Mart Kazakhstan» kompaniiasynyŋ basşysyn tartqan. Atalǧan tūlǧa baǧdarlamaǧa qatysuşy bolyp körınu üşın dostary men tuystarynyŋ atyna 20 jalǧan kompaniia tırkegen. Şyn mänınde būl tūlǧalar eşqandai qyzmet atqarmaǧan jäne jobaǧa qatyspaǧan.
«Jalǧan qūjattar negızınde Qorǧa 1,4 mlrd teŋge kölemınde lizing alu turaly ötınımder ūsynylyp, olar keiın Qor tarapynan maqūldanǧan. Baiqau räsımderın ötkızbesten, jetkızuşı retınde bır ǧana qatysuşy — «Green Mart Kazakhstan» JŞS taŋdalǧan. Qarajat tüsken soŋ, onyŋ bır bölıgı käsıporyndardyŋ esepşottaryna audarylyp, qolma-qol aqşaǧa ainaldyrylǧan», - dep habarlaidy QMA.
