Memleket basşysy Qasym-Jomart Toqaev pen Resei basşysy Vladimir Putin kelıssözder qorytyndysy boiynşa ekı eldıŋ memleketaralyq qarym-qatynasyn jan-jaqty strategiialyq serıktestık jäne odaqtastyq deŋgeiıne deiın jetkızu jönındegı deklarasiiaǧa qol qoidy, dep habarlaidy «Adyrna» tılşısı.
Qasym-Jomart Toqaev būl qūjattyŋ tarihi mänı zor ekenın atap öttı.
«Halyqtarymyz arasyndaǧy myzǧymas özara senım men yntymaqtastyqtyŋ keleşegı kemel ekenın körsetedı. Osy oraida ekıjaqty bailanysty nyǧaituǧa eleulı üles qosqany üşın Vladimir Vladimirovich Putinge şynaiy rizaşylyǧymdy bıldıremın»,-dedı ol.
Memleket basşysy kelıssözderdıŋ nätijesın joǧary baǧalady.
«Qazaqstandyqtar Resei prezidentın jahandyq auqymdaǧy memleket qairatkerı dep bıledı ärı qūrmetteidı. Onyŋ esımı älemge jaqsy mälım jäne qazırgı almaǧaiyp zamanda orys halqy men Resei memleketınıŋ müddesın qorǧau ısınde senım men qajymas qairattyŋ simvoly retınde qabyldanady.
Qazaqstan Resei Federasiiasynyŋ örkendeuıne şyn mänınde müddelı. Bügıngı kelıssözder nätijesın joǧary baǧalaimyn. Kezdesuımız aşyq ärı senımdı räuışte öttı jäne naqty paidasyn berdı»,–dedı Toqaev.
