Atyrau oblysynyŋ Mahambet audanynda kemırgışter jappai köbeiıp, tūrǧyndarǧa qolaisyzdyq tudyruda, dep habarlaidy "Adyrna" ūlttyq portaly KTK-ǧa sıltep.
Mäselege bailanysty Beibarys pen Taldyköl auylynda ekı mektep pen ekı balabaqşa jabyldy.
Audandyq bılım bölımı öŋdeu jūmystary 19 qaraşadan berı jürgızılıp jatqanyn mälımdedı.
«Ǧimarattardyŋ ışı-syrty tolyqtai öŋdelude — profilaktikalyq şaralar da, bar kemırgışterdı joiu jūmystary da qatar atqarylyp jatyr. Deratizasiia jürgızu üşın jeke kompaniia tartyldy. Jospar boiynşa şaralar bır aptaǧa sozylady», — dedı Mahambet audany bılım beru bölımınıŋ basşysy Venera Qabyşeva.
Tūrǧyndardyŋ aituynşa, üiler men qora-qopsyǧa qaptaǧan tyşqandardan jaǧymsyz iıs şyǧyp, tynys alu qiyndaǧan. Olar mūndai kölemdegı kemırgışterdı būryn-soŋdy körmegenın aitady.
«Bır sūmdyq boldy! On künnen berı toqtar emes. Üi tyşqanǧa tolyp kettı. Mysyqtyŋ özı ülgere almai jatyr. Qaqpan qoiamyz, u şaşamyz, dezinfeksiia jasaimyz – bärı paidasyz. Erteŋ būl bır ındetke äkelse, oǧan kım jauap beredı?» — dep aşyndy auyl tūrǧyndarynyŋ bırı.
Tūrǧyndar kün saiyn ondaǧan kemırgıştı jinap, örtep jatqanymen, olardyŋ sany azaimai tūr. Auyl äkımı olardyŋ jappai köbeiuıne byltyrǧy su tasqyny sebep boluy mümkın ekenın aitty. Qazır jergılıktı halyqqa ziiankesterge qarsy arnaiy qūraldar taratylyp jatyr.
Mamandar kemırgışterden infeksiianyŋ bar-joǧyn tekserıp, jūqtyrǧandary anyqtalmaǧanyn habarlady.
