Briusselde Europalyq odaq qarajatyn maqsatsyz paidalandy degen küdıkke bailanysty tergeu jürgızıldı, dep habarlaidy "Adyrna" ūlttyq portaly.
Tergeu aiasynda Briussel qalasyndaǧy Europalyq syrtqy ıs-qimyl qyzmetınıŋ ştab-päterınde jäne Briugge qalasyndaǧy Europa kolledjınde tıntu jürgızıldı. Sonymen qatar küdıktılerdıŋ üilerı de tekserılıp, üş adam ūstaldy. Būl turaly Europalyq prokuratura 2 jeltoqsanda habarlady.
Prokuratura mälımetınşe, tergeu EO qarjylandyrǧan jas diplomattardy daiarlau baǧdarlamasyna bölıngen qarajattyŋ jūmsaluyna qatysty. Tergeu sudiasynyŋ rūqsatymen Belgiianyŋ federaldyq polisiiasy bırqatar nysandarda tıntu jūmystaryn jürgızıp, qūjattardy tärkıledı. Operasiia Europalyq alaiaqtyqpen küres basqarmasynyŋ qoldauymen ötken.
Basqarma ıstıŋ alaiaqtyq, sybailas jemqorlyq, müddeler qaqtyǧysy jäne qyzmettık qūpiiany zaŋsyz aşu derekterımen bailanysty boluy mümkın ekenın atap öttı.
AFP agenttıgınıŋ deregınşe, ūstalǧandardyŋ bırı – būrynǧy europalyq diplomatiia basşysy, qazırgı uaqytta Europa kolledjınıŋ rektory qyzmetın atqaryp jürgen Federika Mogerini boluy mümkın. Sonymen bırge İtaliia diplomaty, Europalyq syrtqy ıs-qimyl qyzmetınıŋ būrynǧy bas direktory, qazır Eurokomissiiada Taiau Şyǧys, Soltüstık Afrika jäne Parsy şyǧanaǧy elderı boiynşa departamenttı basqaratyn Stefano Sanninidıŋ de ūstalǧany habarlandy.
