Elordadaǧy Qalibek Quanyşbaev atyndaǧy teatrda «AMANAT» partiiasy ūiymdastyrǧan dästürlı «Ūly dala» respublikalyq şyǧarmaşylyq baiqauy qorytyndylandy. Biyl baiqau Abai Qūnanbaiūlynyŋ 180 jyldyǧyna arnaldy.
Mäjılıs Spikerı, «AMANAT» Töraǧasy Erlan Qoşanov partiia «Ūly dala» baiqauyn altynşy märte ötkızıp otyrǧanyn jäne jyl ötken saiyn onyŋ auqymy keŋeiıp kele jatqanyn atap öttı. Biyl baiqau alǧaş ret öŋırlık deŋgeide ötkızıldı. Osy uaqyt aralyǧynda 100-ge juyq jas aqyn-jazuşy konkurs laureaty atanyp, bügınde keŋınen tanymal qalamgerlerge ainalyp otyr.
«Memleket basşysy Qasym-Jomart Toqaev ruhaniiatqa erekşe köŋıl böletının jaqsy bılesızder. Prezidentımız halqymyzdyŋ ozyq oily, intellektualdy ūlt bolǧanyn qalaidy. Būl turaly Ūlttyq qūryltailarda, basqa da jiyndarda ünemı aityp ta jür. Endıgı jas tolqynnyŋ mındetı – keşegı qazaq ädebietı jetken biıkten alasarmau, jaŋa kökjiekke ūmtylu. Al bızdıŋ mındetımız – osy jastarǧa qoldau körsetu, jolyn aşu. Bügıngı «Ūly dala» baiqauy – sonyŋ jarqyn körınısı, «AMANAT» partiiasynyŋ qazaq ruhaniiatyna qosyp jatqan bır ülesı», – dedı Erlan Qoşanov.
Partiia Töraǧasy taiauda Prezident Jarlyǧymen ışkı saiasattyŋ negızgı qaǧidattary, qūndylyqtary men baǧyttary bekıtılgenın eske saldy. Osy maŋyzdy qūjatta Abaidyŋ «Qara sözderı» ūlttyq kıtap nyşany retınde aiqyndaldy. Sondyqtan būl baiqau ūly qalamger şyǧarmaşylyǧynyŋ tereŋ mazmūny men airyqşa maŋyzyn aşuǧa baǧyttalyp, köpşılıktıŋ qyzyǧuşylyǧyn oiatty.
Mäjılıs Spikerı memleket tarapynan qalamgerlerge jan-jaqty qoldau körsetılıp kele jatqanyna nazar audardy.
Mäselen, 2023 jyldan berı elımızdegı jas aqyn-jazuşylarǧa Prezidenttıŋ arnauly ädebi syilyǧy taǧaiyndalady, «Aiboz» ūlttyq ädebi syilyǧy tabystalady, sondai-aq jyl saiyn el aumaǧynda köptegen konkurstar men şyǧarmaşylyq ıs-şaralar ötkızıledı. Juyrda auqymdy saualnama aiaqtaldy. Nätijesınde, otandyq ädebiettegı üzdık 100 kıtap anyqtalyp, keŋınen nasihattaluda.
Erlan Qoşanov «AMANAT» partiiasy tarapynan ädebiettı qoldau baǧytynda atqarylyp jatqan jūmystarǧa da toqtaldy. Onyŋ aituynşa, Mäjılıstegı partiia fraksiiasy kötergen bastama nätijesınde jaŋa Salyq kodeksınde otandyq baspagerler üşın qosymşa qūn salyǧy alynyp tastaldy. Būl qadam kıtaptardy oqyrmanǧa barynşa qoljetımdı etuge mümkındık beredı. Sondai-aq «Kıtap oqityn ūlt» bastamasy men «Kıtap-AMANAT» jobasy jüielı türde jüzege asyryluda. Osyndai ıs-şaralar arqyly azamattardyŋ boiynda kıtap oqu mädenietı qalyptasyp, kıtapqa degen qūrmetı artady.
Eŋ bastysy, bügınde el azamattary kıtap oqu ısıne joǧary qyzyǧuşylyq tanytuda. Sonyŋ jarqyn körsetkışı retınde biyl 11 aida kıtaphanalarǧa 37 million adam bardy. Olardyŋ ortaşa jasy – 17-25.
Biyl «Ūly dala» baiqauy 1 şılde men 30 qazan aralyǧynda ötkızıldı. Osylaişa 120 şyǧarma aqtyq kezeŋge joldanyp, onyŋ barlyǧy aikyn.kz saitynda «Ūly dala baiqauy» arnaiy aidarymen ornalastyryldy.
«Poeziia» atalymy boiynşa bırınşı oryndy Azamat Serıkūly, ekınşı oryndy – Asantemır Qarşyǧaūly, üşınşı oryndy – Abzal Maqaş ielendı.
«Proza» atalymy boiynşa jüldelı bırınşı oryndy – Jaqsylyq Qazymūrat, ekınşı oryndy – Duman Terlıkbaev, üşınşı oryndy – Retbek Maǧaz qanjyǧalady.
«Balalarǧa arnalǧan şyǧarma» atalymynda Nūrbek Nūrjanūly jeŋımpaz atansa, ekınşı oryndy – Aidana Segızbai, üşınşı oryndy – Qūralai Omar ielendı.
«Dramaturgiia» atalymy boiynşa bırınşı oryn – Eldar Toqtasynǧa, ekınşı oryn – Miia Alǧojaevaǧa, üşınşı oryn – Güljanat İsataiqyzyna būiyrdy.
«Ädebi syn» atalymy boiynşa bırınşı oryn – Dariia Kelgenge, ekınşı oryn – Aigül Säkenqyzyna, üşınşı oryn – Qarlyǧaş Qabaiǧa tabystaldy.
Sondai-aq «Abai Qūnanbaiūlynyŋ 180 jyldyǧy» arnaiy syilyǧyn – Ūlarbek Däleiūly, «Alaş amanaty» arnaiy syilyǧyn – Ädılet Jaǧypar, «Mırjaqyp Dulatūlynyŋ 140 jyldyǧy» arnaiy syilyǧyn – Anar Abdullina ielendı.
Is-şara soŋynda barlyq qatysuşy rejisser Älımbek Orazbekovtıŋ äigılı «Abai» tragediiasyn tamaşalady.
