Mäjılıs Qazaqstan men Fransuz ükımetterı arasyndaǧy adamdardy readmissiialau turaly kelısımdı ratifikasiialady. Kelısımge 2024 jylǧy 5 qaraşada Memleket basşysynyŋ Fransiiaǧa sapary barysynda qol qoiylǧan, dep habarlaidy «Adyrna» tılşısı.
Būl kelısımnıŋ negızgı maqsaty – ūlttyq zaŋnamalar talaptaryn būzyp, ekı eldıŋ aumaǧynda jürgen adamdardy readmissiialau mäselelerı boiynşa ekıjaqty yntymaqtastyqqa qūqyqtyq negız qalau. Qūjatta osy elder aumaǧynda bolu şarttaryn būzǧan nemese qiyn jaǧdaiǧa tap bolǧan, aitalyq qūjatyn joǧaltqan adamdardy öz elıne qaitaru qarastyrylǧan.
Qazaqstan azamattary jeke basyn kuälandyratyn qūjattarynyŋ joǧalǧany nemese elde zaŋsyz jürgenı turaly qūzyrettı organdarǧa habarlaǧan jaǧdaida Fransiiadan eşqandai sanksiiasyz orala alady. Būl rette osy eldıŋ Işkı ıster ministrlıgı azamattyŋ öz elıne qaituy üşın qūjattaryn resımdeuge kömektesedı.
Sonymen qatar kelısım üşınşı el azamattary men azamattyǧy joq adamdardy olardyŋ azamattyǧy bar nemese tūraqty mekendeitın memleketterıne qabyldau, auystyru jäne tranzittık tasymaldau resımderındegı bırlesken ıs-qimyldardyŋ bırızdılıgı men rettılıgın qamtamasyz etedı.
Aita keteiık, readmissiia – bır memleketten basqa memleketke kıruı, boluy nemese tūruy zaŋsyz dep tanylǧan azamattardy öz elıne qaitaru räsımı. Qazaqstanda readmissiia instituty 22 elmen arada belsendı jūmys ısteidı. Soŋǧy jyly readmissiia boiynşa 273 ötınışhat qaraldy.
