Almaty qalasy megapolistıŋ sumen jabdyqtau jäne kärız jüiesın jaŋǧyrtu baǧytynda halyqaralyq yntymaqtastyqty jüielı türde nyǧaityp keledı. Osy maqsatta Almaty qalasy Energetika jäne su şaruaşylyǧy basqarmasyna qarasty «Almaty Su» kommunaldyq memlekettık käsıporny Koreia Respublikasynyŋ Ūlttyq su önerkäsıbı klasterımen özara yntymaqtastyq turaly memorandumǧa qol qoidy.
Koreia Respublikasynyŋ jetekşı kompaniialarymen ornatylǧan serıktestık Almaty qalasyndaǧy su şaruaşylyǧy salasyn sifrlandyru üderısın jedeldetuge, ozyq halyqaralyq täjıribenı engızuge, sondai-aq su resurstaryn tiımdı ärı tūraqty basqaruǧa mümkındık beredı. Taraptar su infraqūrylymyn basqaruda zamanaui tehnologiialardy qoldanu mäselelerıne erekşe nazar audaryp otyr.
Atap aitqanda, Koreia Respublikasy «Almaty Su» käsıporny jüzege asyryp jatqan «Sifrlyq egız» jobasyna qoldau körsetedı. Būl joba datchikter, jasandy intellekt jäne simuliasiialyq modelder negızınde infraqūrylym nysandarynyŋ jūmysyn naqty uaqyt rejimınde baqylauǧa, taldauǧa jäne basqaruǧa mümkındık beretın virtualdy jüienı qalyptastyrudy közdeidı.
Pilottyq joba aiasynda bas tazartu nysandaryna zamanaui su ölşegış qūraldar ornatyldy. Aldaǧy kezeŋde «aqyldy» eseptegışterdı keŋınen qoldanu baǧytyndaǧy yntymaqtastyq aiasyn keŋeitu josparlanyp otyr. Sonymen qatar, energiia tiımdılıgın arttyru men ekologiialyq tūraqtylyqty qamtamasyz etuge baǧyttalǧan su tazartu jäne sumen jabdyqtau jüielerın jaŋǧyrtu jönındegı bırqatar jobalardy ıske asyru mümkındıgı qarastyryluda.
Būl ärıptestık jaŋa sifrlyq şeşımderdı engızuge, körsetıletın qyzmetterdıŋ sapasyn arttyruǧa jäne su resurstaryn basqarudaǧy tiımdılıktı küşeituge jol aşady.
Aita keteiık, Koreia Respublikasynyŋ Ūlttyq su önerkäsıbı klasterı sumen jabdyqtau, su tazartu jäne su resurstaryn basqaru salasyndaǧy memlekettık organdardy, ǧylymi-zertteu ūiymdaryn jäne jeke sektor ökılderın bırıktıretın bedeldı qūrylym bolyp tabylady.
Al «Almaty Su» kommunaldyq memlekettık käsıporny — Qazaqstandaǧy sumen jabdyqtau jäne su būru salasyndaǧy eŋ ırı ūiymdardyŋ bırı. Käsıporyn Almaty qalasyn ǧana emes, oǧan ırgeles eldı mekenderdı de sapaly auyzsumen qamtamasyz etıp otyr.
