Oral qalasynda äskeri qairatker, erjürek qolbasşy, Keŋes Odaǧynyŋ Batyry, Halyq qaharmany Bauyrjan Momyşūlynyŋ tuǧanyna 115 jyl toluyna orai «Batyr Bauyrjan: Bolmys pen Biıktık» atty patriottyq forum ötıp jatyr. Bır erekşelıgı – forumǧa oblys deŋgeiınde öz salasynda tanylyp jürgen Bauyrjan esımdı 115 adam şaqyrylǧan.
Forum «AMANAT» partiiasy BQO filialynyŋ «Zaŋ men tärtıp» tūjyrymdamasy aiasynda ūiymdastyrylyp, oǧan ziialy qauym ökılderı, ardagerler, äskeri qyzmetşıler, qūqyq qorǧau organdarynyŋ ökılderı, jastar men studentter qatysuda.
Şara barysynda teatrlandyrylǧan körınıster arqyly Bauyrjan Momyşūlynyŋ balalyq şaǧy, otbasylyq tärbiesı, maidandaǧy erlıgı men elge qaldyrǧan ösietı körkem türde sahnalandy. Batyrdyŋ tek jauynger emes, qalamger, aǧartuşy retındegı bolmysy keŋınen nasihattaldy.
- Bügın batyr babamyz Bauyrjan Momyşūlynyŋ tuǧanyna 115 jyl toluyna orai Oral qalasynda ülken patriottyq şara ötkızılude. «Bolmys pen biıktık» degen forumnyŋ ataluynyŋ özı ülken män berıp otyr.
Būl şaranyŋ basty maqsaty – batyr babamyz Bauyrjan Momyşūlyn ülgı retınde keŋınen nasihattau, sonymen qatar jas buynnyŋ patriottyq sezımın oiatu. Keleşek ūrpaqqa, jastarǧa, qazırgı taŋda barlyq qazaq elıne babamyzdyŋ erlıgı men batyr ruhyn nasihattau. Bügıngı şaraǧa tek jastar emes, studentter emes, barlyq qūqyq qorǧau organdary, äskeriler de qatysyp otyr. Olar özderınıŋ balalaryn ertıp kelıp otyr. Sonymen qatar, forumǧa öŋırımızdıŋ eŋ ataqty, belgılı Bauyrjandarynyŋ bärın jinaǧanbyz. Olar oblysymyzdyŋ tükpır-tükpırınen, audandarymyzdan kelıp qatysyp otyr, - deidı “AMANAT” partiiasy Batys Qazaqstan oblystyq filialy töraǧasy Mūrat Mūqaev.
Forumda oblys äkımı äkımı Nariman Töreǧaliev qatysuşylardy qūttyqtap, forumǧa arnaiy şaqyrylǧan, öz salasynda jetıstıkterge jetıp jürgen bırqatar Bauyrjan esımdı qatysuşyny marapattady. Olardyŋ qatarynda käsıpker de, mūǧalım de, veterinar da, polisiia da, mädeniet salasynyŋ qyzmetkerı de, jurnalist te, därıger de, IT-maman da, tıptı respublikalyq olimpiada jeŋımpazy bolǧan mektep oquşysy Bauyrjan bar.
Şarada patriottyq änder oryndalyp, horeografiialyq qoiylymdar ūsynyldy.
Sonymen qatar №37 mekteptıŋ 100 oquşysy batyrdyŋ ruhyna tazǧym etıp, «Bız – erlık pen namystyŋ ūrpaǧymyz! Bauyrjan Momyşūly – bızdıŋ maqtanyşymyz, Batyrlyq – qanymyzda, Täuelsızdık – janymyzda! Bız elge adal boluǧa, Aqiqatty aituǧa, Halqymyzdy qūrmetteuge, Bolaşaǧymyz üşın eŋbek etuge – Ant etemız!» – dep qoldaryn jürek tūsyna qoiyp, bır auyzdan saltanatty türde ant qabyldady.
