Astanada «Adyrna» ūlttyq portalynyŋ 15 jyldyǧyna arnalǧan «Azat ruhtyŋ aldaspandary» atty merekelık şara ūiymdastyryldy.
Şara barysynda portaldyŋ äleumettık jelıdegı paraqşalarynda jürgızılgen dauys beru nätijesı boiynşa jyl üzdıkterı marapattalyp, alǧys hattar tabystaldy.
Merekelık ıs-şaraǧa qazaq jazuşysy, dramaturg, qoǧam qairatkerı, Qazaqstannyŋ halyq jazuşysy,Qazaqstannyŋ eŋbek sıŋırgen qairatkerı, Qazaqstan Respublikasynyŋ Memlekettık syilyǧynyŋ iegerı Tölen Äbdık, QR eŋbek sıŋırgen qairatkerı, «Qūrmet» ordenınıŋ iegerı Roza Mūqanova, deputat Qazybek İsa, Erbolat Sauryqov, Däulet Mūqaev, ziialy qauym ökılderı qatysty.
Marapattau räsımı öner tarlandary men jas daryn ielerınıŋ konsertımen jalǧasty.
Şaranyŋ aşyluynda söz alǧan jazuşy Tölen Äbdık «Adyrna» portalyn qoǧamdaǧy adamǧa degen yqylas pen syilastyq qūndylyǧyn därıpteitın qadam retınde baǧalady.
Jiynǧa qatysuşylar äleumettık jelı arqyly memlekettık qyzmetkerler men belsendı azamattardy anyqtap, «qoǧamdyq pıkır arqyly marapattau» dep atap öttı. Marapat ielerı men el aǧalary öz tılekterın aityp, «bır-bırımızdı qūttyqtaityn sätter köp bolsyn» degen nietterın bıldırdı.
Konserttı tömendegı sıltemeden köruge bolady:
