Pavlodar qalasynda joǧalyp ketken alty jastaǧy qyz jedel ızdestıru jūmystarynyŋ nätijesınde aman-esen tabyldy. Oqiǧa turaly QR IIM Ūlttyq ūlanynyŋ «Şyǧys» öŋırlık qolbasşylyǧynyŋ baspasöz qyzmetı jariialady, dep habarlaidy "Adyrna".
Mälımetke säikes, saǧat 22:10 şamasynda Pavlodar qalasyndaǧy Nazarbaev köşesın patruldeu kezınde 5512 äskeri bölımınıŋ äskeri qyzmetşılerıne äiel adam jügınıp, alty jastaǧy qyzynyŋ joǧalyp ketkenın aitqan. Aqparatty alǧan saqşylar bırden ızdestıru şaralaryna kırısıp, balanyŋ boluy mümkın baǧyttaryn tekserıp, jaqyn maŋdaǧy köşeler men qoǧamdyq oryndardy qarap şyqqan.
Jedel ärı üilesımdı äreketterdıŋ nätijesınde kışkentai qyz Baizaqov atyndaǧy filarmoniia maŋynan tabylyp, anasyna tapsyryldy. Qyzdyŋ ömırı men densaulyǧyna qauıp tönbegen.
Vedomstvo ökılderı mūndai jaǧdailarda uaqytty joǧaltpai, bırden qūqyq qorǧau organdaryna habarlasudyŋ maŋyzyn eske saldy.
