Kaspii teŋızınıŋ tübımen mūnai jäne gaz qūbyrlarynyŋ tartylmauy jahandyq tūraqsyzdyq jaǧdaiynda Ortalyq Aziia elderı üşın maŋyzdy geoekonomikalyq mäselelerdıŋ bırı bolyp otyr. Būl turaly Qazaqstandaǧy Aziialyq zertteuler instituty direktory Sūltan Äkımbekov Bakude ötken “C6: Bıryŋǧai öŋır, ortaq bolaşaq – strategiialyq dialogty küşeitu” atty halyqaralyq konferensiiada mälımdedı, dep habarlaidy “Adyrna”.
Onyŋ aituynşa, būl mäsele köbıne Kaspii teŋızınıŋ tübımen qūbyr tartuǧa qarsy bolǧan Reseidıŋ ūstanymymen bailanysty.
«Bızde mūndai mūnai qūbyry joq, sondyqtan Resei men Ukraina arasyndaǧy soǧys bastalǧannan keiın Kaspii qūbyr konsorsiumymen (KTK) bailanysty qiyndyqtar tuyndady. Türıkmenstanda da gaz qūbyry joq, degenmen būl jönınde äŋgımeler öte belsendı türde jürgızılgen edı», – dedı ol.
Sarapşynyŋ pıkırınşe, C6 formaty kölık dälızderın qalyptastyruǧa bailanysty üderısterdı damytu baǧyttarynyŋ bırı bola alady.
«Juyrda KTK terminaldaryna jasalǧan şabuyldardan keiın Qazaqstan öte kürdelı daǧdarysqa tap boldy. Qazırgı taŋda bız būl mäselenı Baku – Tbilisi – Djeihan baǧyty arqyly ötei almaimyz, öitkenı Kaspii arqyly qajettı kölık quattary joq», – dep mälımdedı Äkımbekov.
Ol sondai-aq C6 elderı üşın negızgı qauıpsızdık syn-qaterlerı Kaspii teŋızı töŋıregındegı kürdelı geosaiasi jaǧdaimen bailanysty ekenın atap öttı.
«Bügıngı köptegen mäseleler Kaspii teŋızınıŋ qūqyqtyq märtebesınıŋ tolyq rettelmeuınen jäne Resei men AQŞ arasyndaǧy yqpal üşın küreske bailanysty kürdelı geosaiasi jaǧdaidan tuyndap otyr», – dep tüiındedı sarapşy.
